فترة نفاسي .. نصيحتكم ..

[beshoo]

السلام عليكــــــم

كيفكــــم ؟..
انشاللهـ ماشي حالكم مع الحمــــل ؟..


المهــــم اليوم أنــــآآ نفسي أقولكــــم عن حاجــهـ شاغلهـ باللي


لكن أول شي بسألكــــم ويــن تأيدون يكون النفاس عند المامـــآآ ولا بالبيت ؟!..


أتمنى ــآآ الكل يجاوبني على هذا السؤال قبل كل شي ..

بعديــن بعطيكـــم شوية معلومات عني :


أنـــآآ ألحيـــن حامل و لأول مرهـ بالشهــــر الــ 4 تقريبــاً
و عندي خوووف مو طبيعي من الولادهـ
و أنــــآآ صغيـــرهـ بالسن عمري 17 >> لاتقولون بزر .. أتحطم ..
يعني أكيــد الولادهـ بتكون صعبهـ علي ..



المهـــم مو هذا موضوعنـــآآ
أنـــآآ أللي حبيت أقولهـ لكم هو
أني ما أدري الأفضل أني أقضي النفاس عند أمي و لا بـ بيتي
أكيـــد بتقولولي عند أمك
بس المشكلهـ و ين
المشكلهـ أن أمي حامل و ولادتهــــآآ بتكون معي
لأنهـــآآ حملت معي بنفس الفترهـ تقريبـــاً
و أنـــآآ أكبــــر بناتهـــــآآ
يعني مافي خوات أكبر مني
و أنــــآآ لحضات أقول بروح لأمي بس أقول أكيـــد بتكــــون تعبانهـ مو رايقتلي أساساً
أمـــآآ عن أمي هي رافضهـ فكرة نفاسي في بيتي
دائمـــاً تقولي تجين عندي يعني تجين عندي
و أنــــآآ طبعـــاً حاطهـ في بالي أني أروحلهـــآآ
اساساً لو أجلس بالبيت يمكن أموووت
لأني الصراحهـ انسانهـ عجازهـ بطبعي
يعني مستحيـــل أطبخ لنفسي أو أهتــــم بـ صحتي
فأتوقع لو أجلس بالبيت أنتهي ..



أنتو الحيــن عرفتو قصتي ..
طيب ايش تنصحوني فيـــهـ ؟!..



و على ـآآ فكرهـ زوجي موافق و ماعندهـ أي مانع
بالعكس ماودهـ أني أجلس بالبيت
يعرف أني بهمـــل نفسي ..



الآن أبيكـــم توقفون معي و تنصحوني ايـــش الأفضل لي ..

... سلآم ...

[حياتي عيالي]

هلا ياقلبي يسعدني اكون اول من رد عليك اولا الف الف مبروك الحمل ثانيا حلو مرة انك تكونين حامل وانتي بها العمر لان بكرة يكبرون عيالك وانتي توك بعز شبابك ثالثا وهو المهم اولدي عند امك وربي لو امي عايشه مااشيل هم شي ياعسل عن تجربه ولدت البكر عند امي والثاني ببيتي لان امي توفت شفت الويل ولا اكل ولا اهتمام ونفسيه زفت وحتى لو كانت امك نفاس عادي حبيتي هي عندها خبرة وبتقوم بنفسها وبكي كمان واكيد عندها شغاله وريحي راسك خليها تحطلكم سريرين جنب بعض خخخخخخخخخخخخخخخخخخخخ ولا تخافين ياقلبو من الولاده ترى التوتر النفسي هو اللي يصعبها صدقيني وخصوصا ولادة البكر بتكون تجربه مرررة حلوة الله يخلي لك امك وادعيلي ربي يغفر لامي ويصبر قلبي والله ماتت في عز شبابها والله ييسر ولادتك ولادت امك معاك وطمنينا عليك

[ام حكوم]

افضل شي نفاسك يكون عند امك حتي لو فيه احد معك بيتك نصيحه لاتفكر انك تنفسي بيتك راح تتعبي وشي جديد عليك وانتي لسي صغير وامك ولله الحمد مجربه الولاده قبل كذا ولا تخافي عليها

[دانيه]

حبيبتي انصحك تنفسي عند امك الله يخليها لك ولا يحرمك منها ان شاالله..وقد ماتقدري دلعي نفسك و ارتاحي انت لسه صغيره على انك تنفسي في بيتك لوحدك الله يقومك بالسلامه و يقوم امك بالسلامه ان شاالله ..

[حجــآزيــۃ]

وعليكم السلام ي عسل

الحمد الله نحنا بخير ي حلوهـ
انت شخبارك ؟!
الف مبروك حملك يا قلبي الله يتمملك ع خير ، وبالعكس عمرك حلو والله يخليك ويحفظك من العين

/

ونصيحتي لك بما انك بكريه انفسي عند امك لانك ماراح تقدري تسوي شي بنفسك وامك خبره ولا تخافي عليها لانها بتخافك عليك اكثر واكيد ماراح تهملك ولاتهمل نفسها

الله يكون بعونكم وييسرلكم

[البتول...]

أهلييين بيشو كيفك أنتي......
الله يتمم لك على خير وتولدين وتقومين بالسلامه انا عن رأيي تولدين عند امك مثل ماقالوا البنات امك خبره واكيد بتهتم فيك اكثر من نفسك......
ومافي احلى من انه يكون نفاسك مع نفاس امك بيكون التعب واحد..
اتوقع بيكون افضل....

[3miao]

اختي الغالية احسن ولادة هي الولادة عند امك الغالية الله يخليها ويطول في عمرها انا ايضا حامل في الشهر السادس وامي توفيت منذ ايام اي في ثاني ايام عيد الاضحى 17 نوفمبر 2010 وااله اخر امل لي في الحياة كانت امي وانا اعيش في فرنسا اي في بلد غريب ادعوا لكل ام توفيت ان يرحمها الله برحمته الواسعة انه هو الغفور الرحيم وكذلك ادعو لوالدة حياتي عيالي ان يرحم والدتها برحمته الواسعة امين يارب العالمين اختي لا تنسي في العشرين يوم الاخيرة من النفاس تسربين عشبة عبائة السيدة لانها رائعة في تضييق المهبل بعد الولادة وتعيد المراة كانها بكر

[حياتي عيالي]

miao3,ويغفر لامك ياقلبي الله يصبرنا على فراقهم يالغاليه ويجزاك الجنه

[beshoo]

اللهـ يعطيكـــم العافيـــهـ

أشكـــركـــم و اللهــ ما قصـــرتو
و أن شاللهـ رآح أسمع نصيحتكـــــــم
و أروح عند أمـــي ...

" حياتي عيالي "
" 3miao "

حزنتونــي كثيـــــــر
اللهـ يرحـــم أمهاتكـــم و يغفرلهــــم
و يصبركـــم يـــآآرب ,..

[العاااالي مستواها]

مساءالورد-حبيبتي اولدي عند امك احسن لك انا ولدت بكري وانا 16 والثاني 18 والله اني الحالي ماعندي احد غير زوجي وهو مايعرف شيئ كانوا اهلي بالجنوب وانا في الرياض تخيلي ماعرف عن النفاس شيئ كنت اكل الرز الي من المطعم والتميس في الصباح واشرب الشاهي والقهوه ولا اشرب حليب ولا قشرقهوه-