طلبتكم يااهل الخير

[اسراء القمر]

طلبتكم يااهل الخير
من فترة كتبت اليكم قصتي ومازالت قصتي مكتوبة بنفس القسم
ان زوجي عندة ضعف تحليلة 2 مليون
واني سليمة مافيني اي شي
وكنا قد قررنا عملية طفل انبوب بمستشفى فهد الطبية
فالي صار اني رحت المستشفى وقالوا لي ان قبل العملية
باسبوعين عطوني ابرة تحضيرية عشان يقولوا لي يضخم عدد البويضات
وبالتالي بكون العملية نسبة نجاحها اضمن
فاخدت الابرة وبعدها دقوا عليى المستشفى يخبروني ان عندهم طروف وان العملية بتتاخر----بس الابرة اخدتها
وللحين صار اللي شهرين من اخدت الابرة والدورة انقطعت عندي شهرين مانزلت
ويجيني الام بجهة اليسار واحيانا تشبة الام الدورة واحيانا الام قوي يجيني
وعملت فحص الدم لايوجد حمل
فسؤالي
ليش مانزلت الدورة
وهل الابرة ضرتني او سببت لي مشاكل
من جربت هدة الابرة
وش نتائجها
من عندها خبرة اتجاوبني
وجزاكم اللة الف خير

[**سماسم**]

الله يكتب يكون بعونج يالغاليه ويرزقج بالذريه الصالحه عاجلاً غير أجل ..
وكنت أتمنى يكون عندي جواب لج بس إن شاء الله البنات مايقصرون ..
وصراحه أنصحج تروحين لدكتوره أو لنفس المستشفى وشوفي شنو يقولون لج ..



وطمنينا عنج يالغاليه ..

[دلع]

حبيبتي طولتي لك شهرين يعني طول هالمده المستشفى كان عنده ظروف..
الله يعينك والله مااعرف شي عنها..
الله يطمنك

[اسراء القمر]

مشكورة خية سماسم وربي ماتقصرين انتي دوم
اتردي عليى ويعطيك ربي الف عافية
وانشاء ابحاول اني اروح المستشفى بس اللي امتعبني المواصلات

ويااختي دلع تسلمي واللة على رايك
بس المستشفى وضعهم اشوي غريب
يتصلوا ويتعدروا بالمواعيد ولايعطوا اي اهتمام
لو مالحاجة ماصبرنا
وللحين صار اللي سنة ودائما يجي منهم التاجيل او
بحجة ان الدكتور مسافر
لدرجة ان حالة زوجي النفسية ساءت
بس الواحد يتصبر وبالدات ادا كانت طروف ماتسمح ان انروح على حسابنا
لان تكاليف العملية صعبة ومكلفة

سماسم ودلع جزاكم اللة الف خير
وجعلة يارب بميزان اعمالكم يوم القيامة يارب العالمين

[سموة الشوق]

الله يكون بعونك أختي إسراء القمر

توني أشوف استفسارك خيتوو

أنا جربت هالإبرالتحضيريه لأطفال الأنابيب وكنت أشعر بانتفاخ ببطني وألم يتنقل بالجانب الأيمن والأيسر
وكان صدري ممتلئ
ويوم أسأل الدكتور كان يقول طبيعي من أثر الإبر

وربي يسهل دربك ويرزقني وإياكي الذرية الطيبة الصالحة من عنده..

[سموة الشوق]

الله يكون بعونك أختي إسراء القمر

توني أشوف استفسارك خيتوو

أنا جربت هالإبرالتحضيريه لأطفال الأنابيب وكنت أشعر بانتفاخ ببطني وألم يتنقل بالجانب الأيمن والأيسر
وكان صدري ممتلئ
ويوم أسأل الدكتور كان يقول طبيعي من أثر الإبر

وربي يسهل دربك ويرزقني وإياكي الذرية الطيبة الصالحة من عنده..

[ranim]

وعليكم السلام ورحمة الله وبركاته

حبيبتي والله أمرك محير شوي مع هذه المستشفى ممكن تشوفي مستشفى آخر يطمنك على حالتك حتى لا يتعب زوجك وترتاحين
والله ماأعرف أفيدك لأنه ماعندي علم لكن ان وجدت مستشفى آخر شوفي وطمنينا عليك والله معك ولا تنسي تكثري من الدعاء والإستغفار ،الله يرزقك الذرية الصالحة المعافاة آآآآآآآآآميييييييييييييييييييييين

[اسراء القمر]

هلا خيتو طيف
كلامك كلة عدل جتني نفس الاعراض
الم جهة اليمين والم جهة اليسار وانتفاخ بالبطن
بس مارديتي عليى اتخرت عندك الدورة اكثر ما شهرين
وانشاء اللة بكرا الاربعاء الصباح رايحة نفس المستشفى
عشان افحص واشوف سالفة هدة الابرة
ومشكورة خيتو طيف
اعرفك عدل واللة انك ماتقصرين معي
اللة يعطيك على قد اعمالك يارب العالمين

[اسراء القمر]

هلا خيتوranim
كلامك كلة عدل
بس لو كنا امحصلين مستشفى غيرة كان ماترددنا
بس عندنا بالدمام مايسوها بالحكومة الا برى داخل الرياض
واللة يكون بعوني
وبكرا الصبح الاربعاء رايحة الرياض اسوي فحص
اشوف وش طالع وياي
ويعطيك الف عافية على رايك اللي

[ام زينب23]

المشاركة الأصلية كتبت بواسطة اسراء القمر

هلا خيتوranim
كلامك كلة عدل
بس لو كنا امحصلين مستشفى غيرة كان ماترددنا
بس عندنا بالدمام مايسوها بالحكومة الا برى داخل الرياض
واللة يكون بعوني
وبكرا الصبح الاربعاء رايحة الرياض اسوي فحص
اشوف وش طالع وياي
ويعطيك الف عافية على رايك اللي

اهلين غناتي

انا من الدمام بعد
كنت اتعالج في الولاده والاطفال وانا وزوجي حاليا سليمين لاكن ربى ما كتب لنا

والله يسامح الولاده والاطفال ما عندهم غير الكلومييد شاطريين ايوزعون علينه

ولا تحركوو سو لييه شي غيره

وبعدها بأربع سنوات تصدّقوا عليه بتلقيح صناعي وكل مره بعد يأجلونه واخيرا عملتها

ومن بعدها جاتني وحده الله يعطيها على قد نيتها وقالت لا تصيرين مثلي وتضيعين عمرج معاهم


انتي طلبي تحويله للرياض لمستشفى التخصصي يسوون لك انابيب

وعلى طول في اول موعد لييه عندهم طلبت منهم التحويله وحولووني

بس طبعا لازم قبلها يكملون لنا بقيت التحاليل وخلصنا الاجرائات
وحولونا ورحت او موعد والحين انا في الرياض ثاني موعد ليه

ادعولي الله يخليكم بالذريه