من يعرف سبب تأخر حملك . . .

[حلم الامومة]

انا الصراحه مني ام زوجي وابوه عرفوا ومن عرفوا بالموضوع وانا مستحيه اشوفهم ..........
قبل كنت اقول اخد العلاج على راحتي الحين لما عرفوا ماودي يطول العلاج ابي اخلص واحمل بسرعه ............

[الفرج قريب]

اختي المفروض محد يدري لامن اهلك ولامن اهله عشان لاحد يكبر الموضوع
واذا احد دري راح تتوتري وتستعجلي في الحمل خليه بينك وبين الله

[ام صـالـح]

انا رايي من راي خواتي
الافضل انو يكون بينك وبينه
لانه بالنهايه شي خصوصي ومحد له علاقه
لا امه ولا امي
انا التاخر مني
والكل يعرف لاني دورتي مو منتظمه وهذا الشي كافي ان اللي حولي يعرفون
اقصد امه وخواته وامي وخواتي
بس الشي اللي محد يعرفه
اني اعالج وهذا اهم شي

[سموة الشوق]

تاخر حملي السبب فيه من زوجي

بس والله حاولت اكتم هالشئ

بس الناس مايتركون الواحده بحالها

إلين قلت لكل من يسألني إن السبب منه

بعد إستإذانه بهالشئ

ويوم عملت أطفال الأنابيب كان الموضوع بيني وبينه

كما قالت أختي دمعة حرمان أؤمن بمقولة إقضوا حوائجكم بالكتمان

ولكن زوجي أخبر أخته


ولم يتم الحمل وقتها وانهرت ووقتها صارحني أنه أخبر أخته

انهرت وقتها

وبكيت حرررقة

فالأفضل يكون الموضوع بينك وبين زوجك وإذا تم الحمل بإذن الله بشري الجميع

بس بدوون ماتقولين إنه أطفال أنابيب ولاشئ

فعيون الناس لاترحم

وأعرف أخوووات ماشاء الله كل عيالهم من أطفال أنابيب ولاأحد يدري عنهم

الله يرزقنا الحمل السليم بالذرية الطيبة من عنده.

[hnen]

السبب مني أنا
ولا أحد يعرف هذا الشي غير زوجي حتى أمي ما تعرف شي ولا تعرف أني أتعالج ولا شي
لي خمس سنوات أتعالج ومع كذا ما أحد يعرف بشيء
لأني أرى ماله داعي الناس يعرفون وتحرقين أعصابهم معك

(أستعينوا على قضاء حوائجكم بالكتمان )

[حلمي يايمه الأمومه]

تأخر الحمل من زوجي بعض أقاربي يدرون بس والله غصب عني يتسرب الخبر من غير ما أحس
بس خلآص أي علآج او حتى أطفال أنابيب ماراح أقول لأي مخلوق يخلق أني بسوي وأذا نجحت راح أقول طبيعي مو لآزم يدرون وش سوينا علشان الحمال
الله يفرح قلوبنا آمين

[ريتاج2009]

أنا لي سنتين ونص متزوجه ماحملت أبد ومافي سبب طبي لتأخير حمالي وأنا وزوجي مافينا شي ولله الحمد والمنه
الناس ماتصدق إذا قلت لها أحنا مانشكو من شي يفكروني أكذب عليهم أهلي يقولون التأخير من زوجك وأهله يفكرون التأخير مني والله العظيم عايشه بدوامه اللهم لا إعتراض
جربت التمريخ وجربت الكلوميد مع أنه تبويضي زين من دون الكلوميد وطلعت لي بويضتين أحجامهم كويسه وفرحت قلت إن شاء الله توأم بس ماصارشي ومن 4شهور جربت التلقيح الصناعي وماعلمت أحد حتى أمي وماصار شي الحمد الله على كل حال وحاليا نفكر بأطفال الأنابيب وماراح نعلم أحد بس إلى الأن ماجمعنا المبلغ هذا قصتي بأختصار خخخخخخ آسفه طولت عليكم

[بنت جدة]

أنا ليا سنه وخمسة شهور متزوجه إلى الآن لم يحصل حمل ..
روحت الدكتور أعطاني دواء جلوكوفاج قال لي لو حصل حمل وقفيه
قال لي الرحم شويه مايل وكمان قال لي سوي رياضيه :)
إن شــآء الله الشهر الجاي وأكون حامل وكل وحدة محرومه يارب .

[سكـره]

الله يعطيكم العافيه حبايبي
وربي ماابي اقول لأحد ,لكن عيون الناس ماترحم مثل ماقالت
اختي طيف لكن بتصبر عشان مااحرج زوجي الله يرزقنا بالخلقة التامة وصادقه اختي دمعة حزن قضاء الحوائج بالكتمان سنه عن رسول الله صلى الله عليه وسلم..
وان شاءالله تبشروني حبايبي بحمالكم كلكم.. (:

[سكـره]

ريتاج حبيبتي ماعليكـ من الناس ودام مافيكم شي الله يرزقك قريب ان شاءالله بس انصحك تتمرخين وسوي حميه والله يرزقك بالذرية الطيبه من عنده<< ماطولتي يادبه وربي مبسوطه منك
الله يرزقك بتؤام يفرحون قلبك
بنت جدة الله يشافيك ويعافيك ياروحي وطيعي الدكتور لعيون البيبي سوي رياضه هههاي