بنات كنت راح اموت من الخوف على نفسي وعلى البيبي الحقوا علي

[لاتيه السعوديه]

السلام عليكم بنات

والله انا كثير متلخبطه وحالتي حاله ومتوتره وجسمي يرجف من الخوف بنات قبل اذان الفجر بساعه ونص طفى كهرب البيت علي وانا لحالي زوجي مسافر عنده شغل المشكله ان ماعندي احد حتى اهلي مو معاي بنفس الديره بديره ثانيه والله يابنات كنت راح اموت من الخوف وقعدت اقرا على البيبي ويديني ترجف بشكل مو طبيعي واحس اني عرقت من الخوف وقلبي صار يعورني وحسيت حركة البيبي صارت شوي عنيفه بعدين صار يتحرك عادي على خفيف انا بالشهر السادس وخايفه يكون صار شي اخذ يمكن ربع ساعه وبعدين اشتغل المشكله ان زوجي سدد الفاتوره وانا متاكده انه مسددها وهو على اساس يروح يوم ويرجع وماقدر يرجع تاخر بسبب شغله اخاف تتكرر وماعندي احد ميته من الخوف وبس ابكي خايفه على البيبي اعذروني كلامي ملخبط بس والله مرتبكه

[توفيه الفوشيه]

اذا تحسين بحركته الحين لاتخافين وشي طبيعي لصرتي متضايقه حركته بتكون عنيفه

ان شاء الله مراح يصير الا الخير ويارب ماتتكرر

[ام اليان]

الله يكون في عونك ويحفظلك جنينك
انا لو منك مااجلس في البيت لحالي
اسافر وياه ولا اسافر لديرة اهلي
انتبهي لنفسك..

[**سماسم**]

سمي بالله وتعوذي من الشيطان الرجيم ولاتخافين يمكن فيه خلل أو عطل بسيط ..
لاكن حاولي إذا ريلج سافر شغل تكونين عند أحد معارفج أو تقولين لأحدى جراتج تكون متنبهه للجوال ..

[eli87]

الله يحفظ الجنين ولا تخافين مايصير شى بس انتي ليش اتخافين جهزي شموع او ليت اذا راح الكهرباء تفتحين لاتكونين حساسه مو زين اتخافين وماله داعي مو زين جذي حطي بالج على نفسج والبيبي وانشالله كل شى بخير

[تراتيل]

مراحب اختي ..

مايكون الا الخير وترا الجنين يتاثر بامه اذا انتي متوتره ولا خايفه ولا حتى مبسوطه

علشان كيذا هدي نفسك ومثل ماقالوا الاخوات جهزي الشموع وقولي لاحد من جيرانك اللي تمونين عليهم

وخلي الجوال جنبك واقري المعوذات وماتشوفين شر

والله يرجع زوجك بالسلامه ان شاء الله

[بنت الشام]

لاتخافي ان شاء الله البيبي تمام التمام انتي حضري شموع او كشاف وخلي موبايلك جنبك مشان اذا طفت الكهربا تشعلي الشموع وتحاكي زوجك او اهلك تتسلي معون لحتى تشعل وان شاء الله ماعاد تطفي

[نبع المحبة]

الله يكون بعونج خيتوو

[صعب تنساني]

جهزي شموع او مصباح يدوي وخلي على طول التلفون جمبك ولا تخافين لانه الخوف ياثر على البيبي

[somia]

أختي لا تخافي وفعلا جهزي شموع كثير أو مصباح بالشحن ورددي كل ما تقطع "فالله خير حافظا وهو أرحم الراحمين" أنا صار لي مثلك وقطعن حوالي 12 ساعة لانه كان فيه كابل خرب ورددتها وسبحان من زرع اأمان والاطمئنان والسكينة في قلبي