فتااه تحكي قصتهاااا مع كاارثة جده,,‎

[فتون]

السلام عليكم ورحمه الله وبركاته ..!

فتااه تحكي قصتهاااا مع كاارثة جده,,

بداية قصتي مأسأه ونهايتها مأآآآسي .

بكل بساطه احكي قصتي ومن القصه بداخلها قصص ..!


قصة كآرثة جدة وضحايآها مع العيد الأضحى العظيم ..

كآنت أمطآر عآتية متلها متل أي منطقة بتجيهآ أمطآر ..
بس قدرة قآدر طلعت هالمرة الأمطآر اقوى مما تخيلنآ ..
وقبل كل شي نعرف ان ربنآ على كل شي قدير ..
صآرت هالكآرثه في صبآح يوم الأربعآء بتآريخ 8/12 / 1430هـ

بدآيتهآ غيوم وهوىء بآرد ونظيف ونقي وجو خيآآآآآآآآآآآل ..
الكل حب هالجو وحآب يطلع يتمشى متله متل أي شخص فأي بلد ..

واحنا ممن ضمن هالاشخآص وهالناس اللي حبوا الجو ..
وقلنا بنطلع نتمشى مع امي وـآبوي واخواني ..
أمي قالت انا بطلع مع ولدي وانتم الحقوني مع ابوكم ..
عشان بتروح قبلنا وتكتشف المكان والاوضاع هي واخوي وخآلآتي قبلنآ ..
فتصل عليها ابوي وسالها عن الجو وقالت مرة روعه وعندنا مطر خفيف عند البحر ..
وانا واخواتي وبنات عمتي فرحنآ بالخبر وقلنا لأبوي يلآ نلحقهم ونكلم خالي وبنات خالي ..
ونشيل فطورنآ معنآ عشان نتونس اكتر واكتر ..
وكنآ مبسوطين مرررة مع الجو والسيارات والامطار يعني بصرآحة كآن المنظر رووووووووعه ..

ولحقنآ أمي وشفنآها وكانت مبسوطه فينا وكنا نضحك من ورا شباك السيارة ..
كنا متجهين ع البحر ..

بس لقينآه زحمة مرررة ..
فامي قالت خلينا نروح استرآحتنآ ..
وابوي قال طيب ..
واحنا راجعين من الخط السريع .. فجأة !!
اتصل صاحب خالي عليه وقاله إلحقني السيل وصلني وغطى علي ..
وكنا قلقانين عليه وخالي قال انا بروح له ..

وبعدين واحنا عند الجآمعه وقف علينا الخط ..
وجلسنا سآعتين ننتظر ...

ملينا من الانتظار وبس طالعنا على يسارنا لقينا خط الخدمات معدوم والسيل وصله وقدامنا شفنا الحدث ..
سيارات ورجال كبار وصغار مسحوبين بالسيل محد قادر يساعدهم لأنهم لو سحبوا واحد يمكن راح ينسحبون الكل ..
لأن السيل كان قوي وأقوى مما تتصورون ..
وقتها خفنا وابوي قال لا تخافون دامني معكم ..
بس ماتوقعنا اللي بيصير .. الموت لاجا مايعرف كبير ولآ صغير ..
كل شي تحول بتواني ..
وكل شي صار بلمحة بصر ..
السيل اللي كان بخط الخدمات وصل لعندنا بلحظة ..
وقتها ماعرفنا وش نسوي ..
ابوي يصيح انزلوا من السيارة ..
وشفنا الناس كلهم نازلين من السيارات ..
والكل يجري وربي وربي كأنه يوم قيامه ..
االناس بكل اجناسهم قدآمي يجرون ..
محد قادر يساعد احد ..
الكل قدامه الموت .. مافي يمه ارحميني ..
ناس تصرخ باعلى صووووت .. بس محد سامعها غير الواحد الأحد ..
واحنا ناس منهم ..
نجري بكل قوتنا .. لين سوور الجآمعه ..
شفتوا سور الجآمعه وشلوون طويل ؟؟!!
بس على طوله قدرنا نطلعه ..
مدري والله كيف جاتنا قوة وطلعناه ..
اختي التآنيه قدآمي وبنات عمتي ثنتين منهم..
وبعدهم أختي وبعدها اخوي بدر ..
وطيف اختي عشان جسمهآ صغير قدروا الشباب يطلعوهآ بسرعه ..
فجيت انا بطلع ماقدرت من ذهول المنظر جاني تبلد ..
وثقل مو طبيعي ماقدرت اطلع ابوي الله يسعده شافني ابكي واصرخ يبي يساعدني بس ماقدر ..
فإثنين من الشباب ربي يستر عليهم طلعوني وساعدوني بالطلوع ..
فجلست ع السور ماقدرت انزل اطالع بأختي الكبيرة وخالتي بعد ماقدروا يطلعوا ..
كلهم يطلبوا مني المساعدة .. وانا متشتته بينهم واطالع بعيون امي وهي بدموعها تطالع فيني ..
منظر مو رآضي روح عن بآلي ..
قالت لي بصوتهآ الحزين وصيتي اخواااااااانك انتبهي عليهم وخذي بالك منهم ..
فصرت اطالع بالعالم اللي حولي ماأدري وش اسوي او وش بيدي اساعدهم ناس صوتها بإذني تصرخ ..
وناس تموت قدامي .. سيآرآت بعوايلها تتقلب ويشيلهآ السيل متل الورقة ..
وشباب الغربيه والله ماقصروا اثبتوا وجودهم بصرآحه ..
سحبوا اختي الكبيرة وخالتي ونزلوني من على السور ..
وجلسنا نجري والناس تجري معانا والسيل على يسارنا اطالع فيه شايل ناااس وسياراات وقمامات ووسآخآت" الله يكرمكم "
وناس قدامي تطيح ماتقوم ..
وربي المسافه كانت طويله واحنا نجريها بس ذهول المنظر ماحسينا بالتعب لأن الكل معنا ..
وكان معي اخوي واختي الصغار ماسكتهم كان علي ثقل مو طبيعي ..
كان في سيل قدامي ابي اقطعه ماقدرت سحبني انا واخواني ..
ذقت المووووت واصرخ باعلى صوت بس مين يسمعني واخواني الباقين يصرخون يبون يساعدوني وبعد مابيدهم شي ..
سحبنا السيل بأقوى قوته .. كأنه نهر يجري .. مسكت بشجرة بس الشجرة انسحبت معي وبوسط السيل ساعدوني شباب اخذو اخواني الصغار عني .. وقلت لهم خلوني اموت خلآص بس عليكم اخواني ..
فقال واحد منهم وحتى انتي انشاء الله معهم وسحبني ..
وربي ماقدرت.. انسدحت من التعب ع التراب .
والناس باقي تجري ..
قلت خلآآآآآص ماعآآآآآآآآآد فيني حيييييييييل ..
خلوني اموت ..
جآني اخوي اللي كان مع امي وجلس يبكي يترجآني يبيني اقوم ..
واخواني الصغار معي يبكون .. قمت وانا ميته من التعب واجري ..
لين وصلنا سكن الجآمعه واحنا مهلوكين ..
البرد كان ذابحنا ابي ادفي اخواني الصغار ابي مكآن يحفظهم وآمآن ..
فكآن جبنآ شبآك ومن صوت الناس العالي انفتح الشبآك وسألتني وحدة وش فيكم ؟؟
قلت لها السيل غرقنا وغرق العآلم قالت وش جآيب هالعآلم عندنآ ؟؟ وانتم بيت مين ؟؟ وش ترجعون ؟؟
وآحد عصب عليها وقال ياحرمة هذا وقته افتحي لنا بيتك ودخلي الصغار قالت معليش !!

هنا احنا وقفنا طالعت وش هالناس اقولك سيل غرقنآ ونبي منك المساعدة تقولين معليش ؟؟..

ورحنآ لبيت تآني فتحوآ لنآ اسرة أجنبية ضيفونآ وجلسونآ عندهم .... بصرآحة الاجآنب ماقصروآ حافظوآ علينآ واهتموا فينآ كأننا من بلدهم ..

ابوي اتصل يبي يطمن علينا انا واخواني وقال لنآ إن امكم توفت ..


بسبب إهمآآآآآآآآآآآل الحكومه رآحت أغلى النآآآآس ..
اللي كآنت بحيآآآآتي,,, صديقه واخت وام واب وكل شي ..

ونآس بعوآيلهآ رآآآآآآآآآآحت .. ونآس ضآعت ..


وناس للحين مفقودين جثث تحت الترآآآآآآآآآب تحللت ومحد قآدر يوصلها ..

وهذآآآآ كله شوووووووية من اللي شفته وصآر لجدة وشعبهآ ..
ومآ خفيآ أعظم ...}

وعلى فكرة اللي شفنآهم احنا وقسم بالله يمكن فووووق 2000 شخص متوفي .. هذا بس اللي احنا شفنآه .. غير البآآقي ..
وغير اللي تحت الترآآآب ..


وكله كوووم وبحيرة المسك بكوم ..
ادعوا لنآ بالرحمة ..

من علآمآت السآعه جدة تموت غرق << والظاهر جآ وقتهآ


حسبي الله ونعم الوكيل على كل مسؤول هآآمل ..

** بدون تصريف ميآه ذهبت اروآآآآآح البشر ..








يآحظ منهو سكن لبنان
ولا الديآر اليهودية ..
ياخذ حقوقه بلآ نقصآن
ويعيش عيشة أفندية ..
ماهو كما حآلنآ يافلآن
واللي حدث بالسعودية ..
غرقت قويزة مع البستآن
وإعلآمنآ يقول ماسية ..
سيل انحدر والمغطى بآن
والعذر ماهي نظامية ..
رآحوا أهلنآ مع الأخوآن
أموآت في الدرب مرمية ..
يآ همللآي على العربآن
ماتو مثل موت أضحية ..
والبآقي اللي بقى يافلآن
رصو في طآبور جمعيه ..
بسكوت يعطونهم ولبآن
وحليب وميآه غآزية ..
تبكي جدة ألم وأحزآن
وقصيدة العيد مرثية..

[سموة الشوق]

لاحول ولاقوة إلا بالله

إنا لله وإنا إليه راجعون

والله يقطع القلب

والله أمس شفت بقناة الإخباريه
جايبين بنت كل أهلها مفقودين 8 أشخاص ومابقت إلا هي (الله العالم وينهم أكيد ماتوا)
يالله
بين ليلة وضحاها يغير الله من حال إلى حال

والله مكتوب عليهم

تذكرت يوم غرقت عبارة السلام وكيف اللي نجوا يوم يحكون قصصهم

بس مكتوب والله يصير لهم اللي صار
سواء بموج من البحر كتسونامي اللي صار بإندونيسيا أو عبارة السلام اللي غرقت بالبحر الأحمر أو بالطائرات اللي تسقط أو المطر والسيل اللي صار بجده
ربي يرحم الجميع ويرحم موتانا وموتاهم ويجبر كسر ضعافهم ويعظم أجرهم

والله يعين مملكتنا على تجاوز هالمحنه العصيبه

بس وقفة الملك الحمد لله
بتشكيل لجنة لتقصي الحقائق ومحاسبة كل مقصر وووو
ربي يقويه ويعينه لإظهار الحق ونصرة كل مظلوم يارب.

[**سماسم**]

قصه مبكيه و الله يعلم بحال الباقي .. حسبي الله ونعم الوكيل .. مشكوره فتون الله يعطيج العافيه ..

[الشوق عطري]

لاحول ولا قوه الا بالله العلي العظيم

هو عندكم اهمال كثير وينهم عنكم وينهم

والله يساعدكم

بس طبعا مو في كل المناطق صح

لان ما اشوف بنت خالتي دلوعه تتكلم واجد عن السيول

[دلع]

الله يعين
قصة مره مبكيه
الله يرحم الاموات ويهلك المتسببين..
لو انا من اهل جده كان ارفع قضيه عليهم واتابعها بنفسي
لان الظاهر ان الموضوع بيمر مرور الكرام
حسبنا الله ونعم الوكيل

[ديار]

الله يرحم موتاكم وموتانا آمــــــــــــــــــــــيـــــــن

وانا بعد ولد جيرانا واخوي بالتربية من الصغر مع بعض

شاءالله بموته وسط هالسيول التسوناميه الجداويه

لكن حسبي الله على كل مقصر كان سبب بهذا الدمار المؤلم

انا لله وانا اليه راجعون وحسبي الله ونعم الوكيل والله يرحم شهدانا اجمعين..........

[ام اتوكي]

اللهم ارحمها-وجميع موتى المسلمين عزاءناانهم شهداء باذن الله-وحسبي الله على كل مقصر

[عزيزة النفس]

قصه مبكيه وتخنقني العبره ودموعي بعيوني والله كانه القيامه كلن يفر من الثاني نفسي نفسي
الله يحفظنا يارب ويرحم موتاهم يارب
والله كانها كارثة تسونامي وعلى الاقل مع تسونامي تحركت الدول ومدت لهم الامدادات والاعانات
وهنا كلن يتفرج ماحد قدم لهم شي ولا مخيمات ولا امدادات لو انه لبنان كان شفنا شي ثاني

[المحبه للامومه]

لا حول ولا قوه الا بالله نسأل الله لهم العون وندعى لهم من اعماق قلوبنا بالستر والامن والامان

[فتون]

صدقتي عزيزة النفس الغالية في كل كلمة
والله احس ان انا مو بجدة ربنا يستر بس لو دولة ثاانية كان قوموا الدنيا ولاقعدووووها
حسبي الله ونعم الوكيل
يسلموووووووووووووو اخواتي