زوجي وحملي الاول

[Omharoon]

السلام عليكم

انا في حاله نفسيه سيئة
منذ ان تلقى زوجي خبر حملي الى هذا اليوم
لم اشعر بفرحته أبدا
على الرغم من انه طفلنا الاول
وكلما اقول له اشعر بان ما احمله سيكون بنت
يرد علي قائلا ولكني اريد ولدا
فأصبحت مثله اريد ولدا ولا اريد بنت
كلما ادخل على برامج الحمل والمواعيد الطبيه اتلهف لمعرفة ردة فعله
لكن دائماً تكون باردة وجامدة لا احساس ولا شعور بانه سيكون أب
اعتقدت انه ربما يغار
ولكن مازال جنين ولم يولد بعد فلما يغار منه
مرت 4 أشهر وبدا بطني يكبر واعتقدت بانه سيتعلق به
لكن دون فائدة
فما العمل !!!؟

[روووح غاليهااا]

يمكن انتي فاهمه عدم اهتمامه بالغلط ويكون في شي ثاني شاغله زي مشاكل بشغله مثلا او يمكن خايف من المسئوليه وترى هرموناتك تتغير ويمكن مايكون في شي وانتي تتوهمي خاصه انه الحمل بيخليك حساسه زياده ع اللزوم ...الله يهدي زوجك لك ويجي البيبي بصحه وسلامه وتشوفي الفرحه بعيونه وهو حاضنه حبيبتي وتطلعي بالسلامه من غير شر

[أم حمودي وعبودي]

شوفي حبيبتي بعض الرجال عندهم بعض المخاوف من حمل الزوجة
يمكن يكون خايف جسمك يترهل ويتشقق أو يحصل لك توسع
أو ما يقدر يصرف على البيبي أو يربيه تربيه كويسة
أو يخاف تتغيري عليه بعد الولادة ويكون البيبي هو شغلك الشاغل

أنت لا تركزي على هذه الأشياء وهو مصيره بيحب البيبي خصوصا لو بنت يا سلام
خليه يدخل يشوف البيبي على السونار واشتروا مع بعض أغراض البيبي
وأهم شي أنتي ابتعدي عن الحزن والنكد وخلك فرفوشة

[hayaSs]

عادي انا زوجي كذا بحملي الاول
لكن انا صرت انشب له
لما تحركت قلت حط يدك حس بحركتها
مواعيد الطبيبه وخصوصا السونار اخليه يدخل معي يشوفها
ماكان يوضح عليه مشاعر الفرح ابد لكنه فرحان ومايبين
واغلب الرجال كذا تلاقي فرحتهم بانفسهم مايبينونها
انتي حمسيه للبيبي خليه يحط يده على بطنك يحس فيه او وريه السونار
وتكلمي ان حياتنا بتتغير وبنكون مبسوطين مع النونو الجاي

[أم مـــاريا]

صحيح

انتي شاركيه اللحظات اللي بتأثر بااي رجل حركة الجنين ، او حاجات قالتها لك الدكتوره و بتبسطكم كاام و اب
و لا تكونين حساسه بزياده ( مع انه طبيعي هالحساسيه مع الحمل)
بس زوجك مو متفهم و هو نفسه واضح انه متوتّر
و كمان اغلب الرجال مايعرفون يعبرون عن مشاعرهم
فـ تجين انتي و تضغطين عليه بفكره معينه او بكلمه
بيتوتر زياده ،

مستحييييييل يغار و مستحيييييل مايتعلق بها حتى لو هو يبغى ولد و طلعت بنت

بس فيه سوء فهم باالموضوع ، وقد قلتلك بموضوع لك قديم
حابه يتفهمك بطريقه غير مباشره ..!
ارسلي له عالواتساب مواضيع عن الحامل و اهمية دعم زوجها لها
و اي موضوع تشوفينه باالنت يعبر عن اللي في بالك انسخيه و ارسليه له ،
و عسى يفهم

[Omharoon]

يروح معاي العيادة و يدخل معاي السونار و ادزه له بين فترة و فترة تقارير

رده الله يتمم على خير او ان يضيع الموضوع و يتكلم بشي ثاني ماله علاقه بهالشي

ما ادري متى يحس

وكل ما احط ايده على بطني يوخر ايده ��

وإذا كليت و بطني منتفخ يسال انتي باي شهر !!

والا وده نعرف نوع البيبي ولا نشتري له اغراض

مو عارفة ليش جذي

[حياتي توأمي]

وعليكم السلام

عزيزتي لاتتحسسين بزيادة الحوامل يصيروا حساسات وقت الحمل
حبيبتي مو كل الرجال اللي يحطوا يدهم على بطون زوجاتهم وقت الحمل

انا زوجي يخاف ع قولته يقول احس شيء مو طبيعي اذا شاف حركة الجنين مع انه بالنسبة لنا احنا الحريم حركة الجنين شعور جميل لايوصف

فلاتضايقي نفسك عشان زوجك مو حاسس انك حااامل انبسطي انتي بحملك واتركيه

على فكرة راح تشوفي فرحته وقت مايشيل البيبي بين ايده ويحضنه هناااا بتحسي بفرحته أكيد

فلاتزعجي حالك ابداً ومو شرط يطلع اللي في بطنك بنت احياناً احساس الأم مايصدق ممكن يكون ولد وتكون فرحته فرحتين

وربي يتمملك ع خيرررر

[ام ريتان]

انا زوجي كان بارد لابعد درجة

حتى يتكاسل يوديني مواعيدي

لكن انا والله فرحانة ومهتمه بصحتي واشتريت الاغراض
ولما شاف فستان صغير ..اول مرة يعلق كانه فرحان

والله اخترت الاسماء وكان يقول لا لا لا زي اللي مو مهتم

ولما ولدتها ماكان يلعب معها

جات بنتي 4 شهور وبدا يحبها لما تناغي وتتقلب
واحاول اجلسها واخليه بساعدني
ولما قالت بابا والله تغير 180 درجه

والحين هي حبيبة بابا ودلوعته
ولما اقوله تتذكر يوم كنت عابس الوجهه وهي في بطني
ينكر يقول مستحيل

انتي لاتستعجلين وخليها للايام وصدقيني هو راح ينبسط ويفرح
كونه بيصير اب ...

[Um sara1]

ممكن تستمر معه الحاله الين بعد الولادة ولين يصير عمر البيبي 6 شهور وبعدها انتي راح تغارين من جنونه واهتمامه بالبيبي وراح يسحب عليك هههههههه امزح

شوفي ياعمري لازم انتي تعيشي اللحظه وتنبسطي بكل تفاصيل الحمل هالشي راح ينعكس عليه لا اراديا وراح يهتم بس اذا كنتي سلبية وتفكيرك جامد لاتتوقعي هو راح يدعمك


في ازواج يشعرون بالفرحه بس مايعبر عنها ..
خصوصا اول حمل يكون مختلط المشاعر فرحه وترقب وتفكير بالمسؤلية ...

بس طالما يحبك راح يموت في البيبي سواء بنت او ولد مع اني اشوف البنت تذووووب قلب ابوها تذووووويب هنا ماتكلم عن الرجل المعقد والي عنده نظرة دونية للمرأه عموما

[Omharoon]

انا ادري انه يحبني بس كل ما اقول له عن البيبي يقول الله يتمم على خير

قبل شوي كنت قاعدة اشتغل

خلصت جلست بغرفتي اريح جسمي

قام وعصب علي بدل ما يقول ارتاحي يقول قاعده بالغرفة بروحها !!!