@@ ايش الاخطاء اللي وقعتي فيها مع مولودك او افكار استفدتي منها..فيدي وأستفيدي @@

[همس آلوجدان]

موضوع حلو ومفيد صراحه
بالصراحه اني غلطتي إني ماعودت ولدي من البدايه على الصناعي
المشكله مو مني منه اهو لاحظته وهو بالمستشفى مايتقبلها وطلعتي من المستشفى كانت امي اتاخده وتحاول ترضعه صناعي بس مجرد مايشرب يرررجع مايحب الصناعي ابدا وللحين تعبانه معاه احاول احاول ومافي فايده

وبعد من غلطاتي من يصيح توه حتى ماطلع ليه صوت اشيله واخليه بحضني لاني ماقدر اسمع صياحه يعورني قلبي
والحين اذا بغى ينام بعد ما ارضعه واحطه في سريره على طول يجلس يبغاني اخليه جنبي وبنام
مادري ويش اسوي معاه احبه حدي وماقدر اسمع صياحه

[حـور العين]

بصراحة موضوع حلوو
واذا عن الاخطاء فيها كثيرة
اولها وانا بمستشفى كانت بنتي ترجع شوي من بعد الرضعه وبعد ما خرجت من المستشفى على طول استخدمت لها حليب ضد الترجيع.. وما كنت ادري انه فيه نشا.. يعنى كان واايد غليظ
المسكينه استخدمت لها كل انواع الحليب تقريبا

بمستشفى جربت سميلاك على ما اظن
وبعدها استخدمت نان 1 ضد الارتجاع
وبعدها نان 1 العادي
والحين بيبيلاك 1
طبعا هذا خطا كبير سبب لطفلتى مغض وعدم الانتظام في الخروج وبكاء لانه ضد الترجيع كان غليظ وعادي خفيف تخربطت المسكينه

[زوجي هو حياتي]

موضووووووووووووووع رائع استفدت كثير منة انة في الشهر الخامس ودائما افكر كيف وليش واخاف اخطأ بس الحمد لله الخطأ وارد يعني مو جريمة والله كنت اضغط على روحي كثير بالتفكير واقول خاف انا مو كد المسؤولية بس الحين الحمد لله استقويت من قريت الردود شكررررررررا على الموضوع

[حلاااااا]

انا بنتي عمرها شهر ونص غلطتي سمعت كلام الحريم قالوا عوديها على الرضاعه والطبيعي
فتعودت على الرضاعه وخلت صدري لا حلماتي صغيره فندمت ندم ويتقطع قلبي عليها انها ما رضعت من صدري رفضته نهائيا
واللحين بدت تتعود على النوم وانا اهزها واذا نزلتها السرير بكت

الله يحفظها ويصلحها يارب

[Mقمة البرااااائهM]

قريت من فتره ان المشايه خطيرة على الطفل
الأفضل له الجلاسه اللي ماتمشي
ودي اتكلم عن الموضوع مفصل بس الايفووووون متعب بالكتابه

[فطومة ام رغد]

الله يسعدك (قمة البرائة)
موضوع رائع ومفيد الله يكتب لك الاجر
انا باقي ماصرت ام وهذا اول حمل لي والله يتمم لي ولكل حامل على خير
لكن اذكر لكم غلطة مع بنت اختي عودناها على الشيل والنوم على الرجول ولمن نحطها ع السرير تبكي وتجنن امها
والافضل بعد الرضاعة والتجشوء ع السرير ع طول

[فطومة ام رغد]

من الأخطاء عند الامهات : كثرة الملابس 0-3 لان الاطفال يكبرون بسرعة ماشاء الله
ومن الأخطاء : تغيير الحليب الصناعي باستمرار ..
وكذلك.. تعويد الطفل على الشيل والهز واللهاية
ومن الاخطاء : كل ماتسمع الوحدة وصفة او طريقة للمغص وتهدئة الغازات تستخدمها مع الطفل مو كل شي مناسب وفيه اعشاب تضره
كذلك من الأخطاء الاعتماد على الخادمة كليا حتى يشعر أنها امه وتهمله الام وتنساه معها
ومن الاخطاء : تعريض الاطفال لتيار بارد بدون تغطيتهم تغطية كافية
اتمنى الموضوع يستمر فيه فوائد كبيرة جزاك الله خيرا ياقمة البرائة وبارك فيك..

[amina92]

انا الحمدو لله مع ابني ما كثرت لبس او اي شئ بس معدبني شوي ما يحب حدا يشيلو