عرفتي شو سبب إجهاضك ؟

[منتظره لحلم الأمومه]

السلام عليكم
يسلممو أختي على هالموضوع
بالنسبه لي :

* صار لي متزوجه تقريبا ثلاث سنين وثلاث شهور
* نعم حملت ثلاث مرات وحصل لي ثلاث إجهاضات الأول كان في الأسبوع التاسع والثاني والثالث قبل
*يعني للأسف والحمدلله على كل حال ماعندي بيبي
*عملت تحاليل مابعد الإجهاض الأول وعلى كلام الدكتور كل شي طبيعي بس للأمانه ماكنت أدري شو التحاليل اللي سواها لي =/
وبعد الإجهاض الثلاث والتعب النفسي والجسدي اللي صار لي شلت فكررة الحمل من راسي
*علما أخر إجهاض كان بشهر صفر اي من تسع شهور تقريبا
وصار لي ثلاث شهور أحاول أحمل بس للأسف ماصار و على العكس بدت الدوره تتخربط شوي
طبعا أنا من فكرت أحمل رجعت سويت تحاليل لمعرفة السبب والدكتور كتب لي بس تحاليل لتجلط الدم Lups anticoagulant + PT/PTT بالإضافه للأجسام المضاده anti DNA
ووصف لي أسبرين أخذه من قبل الحمل وبس أحمل أخذ يوميا أبر هيبارين

وحاليا أنا سويت لي تحاليل هرمون كلها طبيعيه ولله الحمد
وكمان زياده تحاليل عن بعض الفيروسات مثل

-toxoplasma ( داء القطط )
-rubella ( الحصبه الألمانيه )
-CMV ( فايروس المضخم للخلايا )
والنتائج تطلع هالأسبوع وإن شاءالله خير

واي صح بالنسبة لزوجي لم يعمل إي تحليل

الله يعوض علينا جميعا ويرزقنا الذريه الصالحه

آسسسسفه جدا على الإطاله