دردشة حوامل أهل الامارات - دردشة بنات الامارات - تجمع حوامل الامارات

[اقصوصه]

هيه صغير بس انا بعد في التاسع يعني ما فيني طولة بال :( يلا الحمدلله خلصت تدريسه ورقدته الحين ، باخذلي بريك وفترة راحه ، اسوم شكلها ما بتبين الا ع الشهر الياي ههههههههه

[الودود]

السلام عليكم ورحمة الله وبركاته ،

كيفكم طيوبات ان شاء الله بخير وكيفكم مع الحمل ، الله يعينكم عليه وييسر لكم الولادة آمييييين

[اقصوصه]

هلا الودود ، الحمدلله شحالج انتي عساج طيبه؟ اخبار حملك واخبار العيال؟

[سمو الأميره]

اخبااركم كروشات وحريم فردا فردا

شو ماشاءالله اقصوصة ماتنام

وام منصور كل مرة طالعه مكان

وملاك بس تطبخ لريلها

وين اسوم كل ها شهر عسل

سلامات مشاعر واحساس ..الله يثبت لج الجنين

الودود مثلي خفيفه تطل وتروح

يالله اشوفكم ع خيييييير

[اقصوصه]

هههههههههههه انام بس وانا نايمه اكون وياكم هني لوووووووول

[ام منصور]

هههههههههههههه والله رديت الصفحات اللي قبل اقراهن
ايشرج اقصوصه الحرمه اللي كان فيها ويع ماطلع ويع ربى قصت علينا منان تقول بربي
رغتها بيتها قلت لها انتي ماعندج شغل الا بربي بربي يالله سيري اتسبحي بماي حار وارخمدي لين الصبح هههههههههههههههههههههه والله شكلها يحزن ويضحك اطالعني وتقول ها بربي قلت لها انا كاشف الولاده وانا ماادري هههههههه
ملاك علومج الطيبه امممممم
سمو الاميره لو الود ودي مااظهر من البيت ماياني من الطلعه الا العين الله يكفينا شرها
اروح اودي بنتي وارد اييبها الظهر
او لو انا في الوثبه جان سيرت على ياراتي وهن سيرن عليه واستانست وياهن
الودود مرحبتين ياحلوه انتي شحالج

[اقصوصه]

ام منصور عيل انا حلمي تحقق ، يوم رقدت الظهر حلمت اني ياني الطلق وسرت المستشفى وكشفوا عليه وقالولي انتي ما بتربين انتي تو الناس عليج وردوني البيت ههههههههههه
خلاص ام منصور دامني بربي فالمفرق يوم ييني الطلق تعالي لي لوووووووول

[ام منصور]

فديتج يا ااقصوصه لاتفكرين في الولاده وايد ادري انها كابوس بس باذن الله نهايته حلوه ان شاء الله توكلي على الله
الغاليه الودود نحن بخير انتي شحالج
اسوووم وينج ماتبينييين
احساس شحالج اليوم ؟
فراشه مافيه اخبار عنها
وام شوق
وام شواخي

[ام منصور]

ان شاء الله من عيوني ما طلبتي
انا ارووح ويا خواتي كلهن في ولاداتهن
وكل وحده من العايله بتربي دقوا عليه اروح وياهن الحمد لله والتساهيل من الله
الوحد يروح وياك يقرا عليك ويطمنك ويسمي عليك ويساعدك على تخطي الموقف بس والا كله بايد رب العالمين

[اقصوصه]

يمكن لان انا من زمان ما حملت من جيه خايفه شوي هالمره ، فولادتي الاولى كنت بجر وما اعرف شو السالفه ، من جيه ما كنت خايفه وايد ، والبيبي الثاني ما كان في فرق بينه وبين البيبي الاول ، يبتهم ورى بعض ، بس الحين انا اعرف شو السالفه ، ولي فتره ما حملت من جيه شاله هم ، بس يلا الا هي كم ساعه وان شا الله يعدن ع خير :)