ساعدوني بمعاناتي مع وزني

[استغفر الله 333]

السﻻم عليكم صباح الخير ياكروشات

انا توي باديه الرابع من يومين تقريبا والغثيان وقف معاي من حوالي اسبوع

مشكلتي وخوفي مع وزني خاااااايفه جدا وانا من النوع ذا خفت اوسوس ههههه

انا نحيفه و فوق كذا نقصت كيلويين مع الغثيان و لحد الحين مازاد وزني شيء

عكس خواتي و كل الحوامل اشوف ماشاء الله بالنت الي تزيد 10 او 12 او 15 كيلو بالحمل وانا وﻻشيء ولله الحمد

حتى نص او ربع كيلو مازدت !!!!!

الله يعافيكم الي عندها طريقه تخليني اسمن تفيدنا الله يجزاها الخير

و هل التمر مضر بالحمل ؟؟؟ انا بصراحه من عشاقه بس ما اكلته طول الثﻻثه الشهور اﻻولى

سمعت انه مو زين و مدري وشو والحين قلت ببدي فيه الكل يمدحه زين للجنين يقولون

بصراحه خايفه على جنيني حبيبي ﻻنه جاني من بعد انتظاار

دعواتكم الله يسهل علينا حملنا ويثبته و نشوف جنينا بحضنا وهو بصحه وسﻻمه

[سنيوريتا آني]

ماعندي فكرة عن الموضوع ان شاء الله يفيدونك البنات
ربي يرزقك من واسع رحمته ما تتمنى يا رب

[وطن.]

لاتستعجلي
راح يزيد وزنك
وترا الوحده لما تزيد ١٠ كيلوا
لاتفكرينه كله من الاكل .. لا
لان ١٠ او ١٥ كيلوا
وزن الجنين ووزن مويه الرحم ووزن المشيمه
يعني كل شي يكون له وزن غير وزنك انتي

والتمر انا كمان احبه وكنت اكله منه ب الشهور الاولى حبه باليوم
والحين لما دخلت الرابع صايره اكل ٣ حبات باليوم


وصدقيني راح يزيد وزنك وخصوصا الحين تصير الشهيه مفتوحه
بعد الغثيان والوعه ،،

وربي يثبت حملك وحملي وكل حامل يارب
ويرزق كل محرومة ب الذرية الصالحة

[استغفر الله 333]

تسلموا حبيباتي على ردودكم الحلوه

و ان شاء الله يزيد الحين

انا الي مستغربه منه كيف الجنين للحين كبر و مازاد من وزني اي شيء !!

مع اني سألت دكتورتي قالت حجمه طبيعي الحمدلله بس قالت لي ﻻزم ع الموعد الجاي اكون زايده 4 كيلو

و للحين مازدت :( عطتني فيتامينات ببدي فيها من بكرا ان شاء الله و بنشوف

هل الفيتامينات تأثر على الجنين ؟؟؟ اخاف من كثرة الحبوب بالحمل بس شنسوي احس ﻻزم آخذه

[زووووز]

شوفي ياقلبي انا اول ثلاث شهور معاي غثيان حاد ونزلت ثلاثه ونص كيلو ومثلك انا بالاساس نحيفه
بس من دخلت الرابع وخف الوحم رجعت زدت كيلوين
وانا حالياً بداية الخامس
فلا تحاتين حبيبتي الله يتمم لك ولي ولكل الحوامل على خير يارب

[لانا24]

حبيبتي لاتخافين انا زيك نقصت 5 كيلو بالشهور الاولى
وبعد الوحام رجع وزني الطبيعي ومرات ينقص
ومرات يزيد بس انا طبيعتي كذا
لان بحملي الاول كنت انقص ومازدت طول الحمل غير
اربعه كيلو بس كان ولدي وزنه قليل لان ماكنت اتغذى زين

بس ان شاءالله ذا الحمل تغذيتي تكون احسن
وبالنسبه للتمر والله انا مااشتهيه الا وانا حامل
وعاادي كل ماشتهيته اكلت لاني قرات انه مايضر

وان شااء ربي الحاافظ يتمم لنا ع خير

[استغفر الله 333]

تسلموا حبيباتي طمنتوني الله يطمنكم ويفرح قلبكم

و تقضي هالشهور لنا جميعا على خير ..

ماتقصروا خواتي ..

[افنان الحربي]

الله يتمم لك على خير

[استغفر الله 333]

مشكوره حبيبتي على الدعوه الحلوه

الله يعطيك العافيه

[زوجي قره عيني]

عادي حبيبتي
انا في الشهور الاولى نقصت 4 كيلو وفضلت ثابتة على الوزن بتاعي لغاية السادس
بعدها زاد مرة وحدة 7 كيلو في شهرين وزنك هيزيد ماتقلقيش