وحم خفيف

[حلمي كلمة ماما]

السلام عليكم ورحمة الله وبركاته
حبايبي انا اخر دوره كانت يوم عشره شعبان
وعرفت اني حامل باول رمضان وطبعا رحت مركز صحي واكدو الحمل في البول
وقالو لي تعالي يوم عشره ذو القعده عشان نسوي تحاليل الدم ونعطيك بطاقة الامومه
والحمد لله باخر رمضان بدا معي الوحم بس اخف من حملي الاول بس المشكله اليوم احس انه خف كثير ومدري ليش؟
انا موسوسه لايكون توقف النبض بس انا ماعندي دم ولامغص الحمد لله
وااللي يزيدالوسواس انهم ماسوو لي اشعه صوتيه للجنين ولاشي للحين
يعني مادري ينمو والا لا وكيف وضعه؟
مادري وش ذا النظام البارد في الحكوميات والا لو عندي القدره رحت خاص
المهم حبايبي انا قلقه لاني متأمله خير بها الحمل ان ربي يعوضني لان بنتي بكري
ولدتها قيصري وجت بتشوهات بدون سبب واضح والحمد لله على كل حال
وتوفت بعد معاناه وماكملت ست شهور كلها بالعنايه المركزه وثلاث عمليات
اللهم لك الحمد حتى ترضى وربي يشفعها فينا
عاد اخليكم تتخيلون كيف كانت حالتي حتى نفاسي كان مأساه ومرض وحزن
والحمد لله راضين بقضاء الله مايقدره لنا كله خيييييييييييييير
حبايبي ادري طولت بس فضفضت شوي بس ابيكم تحسبون انا الحين باي اسبوع واي شهر وايش رايكم طبيعي يخف الوحم والا فيه مشكله؟
وربي يجزاكم خير ويرزق كل محرومه ويتمم لكل حامل ويسهل لكل من قربت للولاده
امين

[rose]

طيب ياقلبي ربي يتمملك حملك ع خير وسلام يارب
لو خايفة روحي خاص اطلبي بس سونار ع وضع الجنين وخلي متابعتك بالحكومي
لاتخافي وكلي امرك لرب العالمين

[**سماسم**]

وكلي أمرج الله ولاتخافين الوحم يختلف من وحده لثانيه وهم من حمل لي حمل أخر ..
وإن شاء الله ربي يتمم لج حملج على خير ويعوضج بالذريه الصالحه الي تقرين عينج فيها
,,

[ملاك الكون]

الله يتمم لك حملك اااااااااااااامين طيب ماصرفو لك حمض الفوليك هذا يحمي من التشوهات بعد الله سبحانة

[سولآف]

حبيبتي سوي بس اشعه بخاص ماراح تكلف شي
وربي يتمم لك على خير

[جنا القمر]

اول شي مبروك الحمل وثانيا الله يجعل ذريتك معافاة وسلامه ويقر عينك بشوفتها
وبعدين اخذي حمض الفوليك وان شاء الله يحمي بعد الله سبحانه مثل ماقالت اختي وارقي نفسك واكثري من الدعاء والاستغفار
وروحي سوي اشعه صوتيه ويارب يتمم عليكي ويطمنك على اللي بطنك

[جوري الجنوب]

ان شاء الله ربي يتمم لكي بخير
وتفرحي بشوفته سليم ومعافى
امين

[حبيبـ زوجــي ــــة]

الله يتمم حملك على خير ويرزقك الذريه المتعافيه

[حلمي كلمة ماما]

حبايبي الله يجزاكم خير ومشكورين وبالنسبه للفوليك
الحمد لله في حملي الاول كنت منتظمه عليه وماتركته
بس التشوهات كانت بقدرة الله سبحانه واصلا ماكتشفوها
الا بعد الولاده مع اني كنت متابعه اول باول يعني مايدري بما في الرحم الا العزيز العليم
وف حملي هذا قاعده استخدم الفوليك وربي يسهل الامور
ويطمني يااااااااااااارب

[~~لحن الحياة~~]

حبيبتي روحي اطمني على الجنين عند دكتورة مختصة
الله يتمملك على خير غاليتي
الله يطعمك الذرية السليمة