غير مسجل هل زوجك تغير بعد الزواج

[لمسة حنان1]

انااصلا ماعشت فترة خطوبة زي العالم والناس كان هو مستقر وعايش وبيشتغل في السعودية وانا عايشة في غزة ما اخدته عن حب بس قلت الحب بيجي بعد الزواج ضليت مستنيته 4 سنين في غزة وهو لسا ما اجا واخيرا اجا وتزوجنا بس من غير مهر ولا شبكة ولا بيت المهم اتزوجنا وقلت نعيش ....يعني طول فترة الخطوبة مادرست شخصيته وسلوكياته عن قرب حتي كتب الكتاب صار توكيل مو بنفسه اجا ....كنت متخيليته زي الرجال الي في الافلام بما انني مابعرف
سلوكياته وكل كلامنا كان عالنت يعني ماجربته مثلا في الزعل ولا انو يشتريلي هدية مثلا او يفسحني زي كل المخطوبين بس بعد مانزل غزة واتزوجنا عادي ماعنده مشاكل بس كنت بزعل منه ولا كأنه هنا وانا ابكي ولا يهز شعوره حتي ولا فسح ولا شي بس من ناحية الرومانسية فهو رومانسي بامتياز هو في قصة الزعل بيقلي انا ما بحب اتكلم واحنا بنتخانق ولازم اهدي لليوم التاني عشان اعرف اتناقش بس انا بدي حالا لاني حساسة ومابتحمل الزعل مابعرف مين الصح ومين الغلط المهم هينا عايشين والحمد لله ع كل شي لازم الحياة تمشي بيني وبينه عالحلوة والمرة