تجمع الجزائريات المتأخرات في الحمل و أهلين بالتونسيات الغاليات

[احلى شيء الاموموة]

السلام عليكم لبنات ربي يبارك رجعت الحيوية والنشاط للتجمع ...اهلا بيكم ...ان شااء الله ربي يدوم لمتنا ويطيب عشرتنا ...ويفرحنا كااامل بالحمل يااارب في القريب العاجل...
سهام توحشناك ان شااء الله فوتتي ايامات باهييين في داركم...ومريومة الحمد الله على سلامتك ربي يثبت حملك ويخليلك الصحة والعافية..
وام بلقاسم ربي يحفظلك قسوم ...والعجوزة اربحي منها دعاوي الخير على قد ما تقدري راهي تتقعدلك في وليداتك ان شاااء الله ...ربي يرزقك الصحة والصبر...
صبورة ربي يبارك عليك بلاصتك وحدها ربي يحفظك ان شاااء الله غير ربي يرزقنا ويسهلنا نويليوا ارانب في العام مرتين ....ربي يرزقنا الضناية الصالحة ...
عبير وبسمة ربي يثبت حملكم ....اسما وباربي ابقاوا ديما معانا ما تغطسوش غطسة واحدة...نور اليقين ربي يكونلك الخير وما تحطيش المنامات في بالك بزااف وان شاااء الله غير الخير...يقولو كي تنامي بالميت صدقي على روحو وربي يقبل منا الصدقات يااا رب....
منيرة ان شاااء الله ربي يهنيك وعطيك حتى يرضيك ...ربي يدوم العشرة الطيبة مع زوجك وان شاااء الله تفرحي بالحمل وتنساي الهموم الكل..امة الرحمان ربي يبارك ديما منورة التجمع بكلامك الطيب ربي يقوي ايماننا ويثبتنا على ما يحبه ويرضاه...ان شاااء الله في ميزان حسناتك....كل لبنات ربي يعطيكم ما تتمناوا....
حورية وييين رحتي ان شاااء الله لاباس مع الوحام...دورتيها سكايب خاااطية خلاص....ارجعي كيف كنت خييير ....
نور الهدى وييييييينك ؟؟؟؟؟ام انس ان شااء الله تكوني بخير في دارك الجديدة توحشتتتتتكككك بزااااااااااف.....تورية ربي يثبت حملك هذي مدة ما طليتيش علينا....