حبيباتى سيدات ليبيا تفضلو لأعرف ما حالكم

[هدية الخالق]

السلام عليكم ورحمة الله وبركاته
كيف حالكم ياحلوات ليكم وحشة
الحمد لله تحسنت شوية من الزكمة عالأقل عيوني معاش يدمعوا ونقص الرشح شوية لكن زوجي شد الدور وخدي حصته ههههه
فروسة ماشاء الله مفاجأة تهبل من زوجك ربي يخليهلكم اني ياخسارة زوجي ماعنداش عطل بكل الا الويك اند لانه هو طالب مشروع والايام هذي مشغول كان يحصل يقرأ حتى في الويك اند
لكن ان شاء الله ناويين منعدوا لحماتي في مدينة ثانية اسمها كالجري بالطيارة ساعة على اساس في العيد هذا بيآخد اجازة ومنعدوا نعيدوا معاهم ونغيروا جو لكن بعذ حملت حماتي اجلناها للجياب لانه قال مش ديما منحصل اجازة نستغلوها في جيابها خير عالأقل نساعدها في حتى في بناويتها بالذات لما بترقد في المستشفى وباهي جيابها في شهر واحد معاش تعطل نعد في الايام والساعات حتى لو بتجيني في تعب وعوالة على حماتي لكن عااادي المهم تغييرة جو في مكان ثاني وهدرزة وناس خاشيين طالعين وقاللي لما نكمل ان شاء الله نديروا دورة عالمدن الحلوة قبل مانروحوا وبعدين منروحوا ترانزليت عن طريق تركيا نقعدوا فيها شوية .
المهم منقولك عالعمرة والله ماتفوتيها فرصة وكانك عالصغار باذن الله مش حيتعبوك وتمشي بسلام اني مرت خالي ماشاء الله كل سنة في رمضان غادي راجلها يخدم في تشاركية للحج والعمرة يرفع في الناس تعرفي ادمن عليها مرات كل اسبوعين تلقيه غادي ومرته من اول رمضان ليها معاه كانت تتوحم مشت للعمرة وقاعدة كل سنة وعندها ثلاثة أولاد حشاك شياطين بيطيروها ترفع في العربة للصغير وديما حظها تجيها المشية مع امها وبوها والا اختها وراجلها يساعدوا فيها شوية وزي ماقالت شموسة في صالة فوق للأطفال وفي غرفة تحطي فيها عيلك الصغير وفي من يدير باله عليه وبالنسبة للأطفال زي عمر فروسي في سبتة تقدري تربطيه مش عارفة في رجلك والا وين بالزبط وتصلي هذا كان مش حركي وشويطين سلامته هههههههه
اوشي شن اخبارك انتي والصغار مبروك على ولد عم راجلك على فكرة قلتي اسمه راجلك حتى انتي هههههههه
وطلعت مش اني اللي قايلة اسم راجلي لاني ديما مركزة في الحاجة هذي بالذات ومرات نراجع في الرد هههههههه