>> تجمع الي موعد ولادتهم محرم 1435 <<

[دلوعه عبدالله]

الاصيله ايه يا قلبي اذا نزلت مويه الجنين على طووول المستشفى وحتى لو ما كان فيه الم

بالنسبه لي في الولادتين تنزل السداده اول وبعدها بكم يوم اولد وعلامه الولاده هي تقلصات متقاربه

بالنسبه لولادتي الطبيعيه رحت وكان الرحم فاتح ٥ سوو لي تخطيط كان الطلق منتظم ركبوني غرفه الطلق عطوني حقنه شرجيه اكرمك الله وفضيت بطني وبعدين الدكتوره فتحت كيس المويه وزاد الالم بقووه وفتح الرحم لين ٩ ودوني غرفه الولاده كلها كم دفعه وشرف البيبي

دخلت المستشفى الساعه ٨ ونص صباحاً ولدت مع اذان الظهر

ولادتي الثانيه نفس الشي نزلت السداده وبعدها بأربع ايام اصبحت على الم منتظم بس كان محتمل واستنيت لين الساعه ٨ المغرب ورحت المستشفى قاست الرحم فاتح ثلاثه وبما ان المستشفى بعيييد عن المنطقه اللي انا فيها قالت لي الدكتوره اتنوم احسن وتنومت ومازاد الالم عدل الا الظهر يوم ثاني وفتحت الدكتوره كيس المويه وهنا بدأ الزلزال صحححح وولدت الساعه ٤ العصر


ابره الظهر ماجربتها بس اللي جربوها حولي يقولون انها رحمه ولطف بالالم ومالها مضار بس ما ادري عنها

عن نفسي ما افكر فيها :)


وسلامتك ياقلبي