حبيباتى سيدات ليبيا تفضلو لأعرف ما حالكم

[هدية الخالق]

السلاااااام عليكم
شن الأخبار

[هدية الخالق]

[اوشي]

جنودة .. بالنسبة لتحزيم الشرقاوي توة نشرح لك

نجو اولا لمكونات التحزيم ..

الردا والكردية والسورية والسروال يكون قصير تحت الركبة وحزامين واحد حزام داخلي والاخر للتجميل


تلبسي السورية والسروال وبعدين تلبسي الردا وتربطي عادي من جهه كتفك اليسار

وبعدها تبدي تلمي في طرف الردا السايب من جهة اليمين بطريقة يكون زي الكرانيش وضروري تكون المسافة

بين كل كرنيشة واخري متساوية ومتقاربة عشان تطلع الكسرات من لورا منظرها حلو

وبعد ماكملتي لف الكسرات او الكرنيشات ااتحطيهن تحت ذقنك من جهة اليسار

وتوة تجيبي الحزام الداخلي حتى محرمة كبيرة او وشاح واربطي اشوية ماتشديش


وابدي ارفعي الردا من قدام لنص الافخاذ وديري كسرات من قدام وكسرات من الخلف

هنا لازم يساعدك حد بيش تطلع الكسرات حلوة

وبعد ما اطمنتي علي شكل الكسرات الامامية والخلفية اطلقي الردا اللي ماسكته تحت ذقنك وشوفي

كسراتك ونزلي الردا من الامام لين فوق الركبة

وشوفي توة من الخلف حاولي انك تكري الردا من عند الظهر (المكان اللي كانو يحطو فيه العيال الصغار زمان)

وتوة راح تلقي الرداء منظرةه من عند البطن متهدل وكذلك الظهر

في هذه اللحظة ارفعي الردا من الخلف زي الاول بالكسرات وحطيه تحت ذقنك

ومن عند البطن حاولي انك اتهندمي الردا وتخششي جميع البروزات داخل الحزام وهنا تشدي الحزام بقوة بعد

ما تطمنتي علي شكل الردا بعدها اتجيبي الحزام الرئيسي واتحطيه بمنظر جميل ومنسق

توة اتشوفي روحك في المراية تلقي الردا منسق وجميل من الكسرات الامامية والخلفية

والسروال يكون تحت الركبة وباين اشوية والردا فوق الركبة هنا عاد يبي سيقان سماح ومحنيات


خلاص وصلنا للمرحلة النهائية تلبسي كرديتك ومحرمتك واتحطي الشنبير وبعدها التاج والشناقيل

وتلبس عقدك ونبلتك ولو عند خلحال

والبسي سباطك

وتمت العملية .. ان شاء الله بس فهمتي

[اوشي]

كيف حالك هدية وشن اخبارك واخبار رنودة وبوها

[اوشي]

توة بنمشي نصلي المغرب وانجي بعدي .. عذرا

[هدية الخالق]

الله يسلمك أوشي كويسين الحمد لله كيف حالك إنتي وكيف حال الصغار وبوهم

[هدية الخالق]

المشاركة الأصلية كتبت بواسطة اوشي

توة بنمشي نصلي المغرب وانجي بعدي .. عذرا

تقبل الله مقدما
احني عندنا توا الساعه عشرة الصبح نضت قبل ساعه تقريبا والبركة في سوما نوضتني بتخبيطها عالسرير
لقيت راجلي طالع مش عارفة وين ماشي في هالصبح اليوم عطلة

[هدية الخالق]

فطرت سوما ودرت دورة عالحوش ووتيت الفطور ونستنى فيه

[أثري في مدادي]

السلام عليكم ورحمة الله وبركاته

هلا بنات

الله يرعاكم كلكم ~~~~

[أثري في مدادي]

هديــــــــــــــــــــــــــــــــــــة

الله يبارك على سومـــــــــــــــــــــــــــــا
تتميز بجمال هاديء
وعينان مميزتان
وصحيح
ملامحها صارت أوضح مع مرور أشهر فقـــــــــــــــــــــط
ولايزال شعرها حينما ينسدل على كتفيها
الله يرعاها

علماً
بأنني ضـــــــــــــــــــــــــــــــــــــــــــــــــ ــــــد تصوير ذوات الأرواح
للوعيد الشديد الذي جاء فيـــــــــــــــــــه
غير
أن الصورة جاءت أمامي
وإلا
فإنني لا أتفرج حتى على ألبومات صور الأفراح وما شابه

~~~~~~~~~~~~~~~~~~~~~~~~~~~~~~