حبيباتى سيدات ليبيا تفضلو لأعرف ما حالكم

[أمل ليبيا]

اصلا واقع للاسف الولد مرغوب اكثر من البنت !!!
ااااااه مع انه مايحس بالام الا بنيتها
اني جربت اني بنت وحدة وتوا لما بعدت ع امي مسكينه ربي يعينها متبهدله بروحها واني والله نفكر فيها ديما وخوتي بسلامتهم اولاد مايعدلوش بكل صح الولد سند لبوه ويحتاجه لكن حتي البنيات حنينات وليهم دور كبير في العيله



تعرفو نتمنى ربي يرزقني بولد والا زوز والباقي ان شاء الله بنات باش لما نكبر ندير رجل ع رجل ونرتاح ههههه

[هدية الخالق]

حتي اختي عندها تلات بنيات واكيد راجلها يتمني في وليد لكن الحمد لله مايتكلمش لا يعترض
يقول هذا كله من ربي والبنات فيهن خير أكتر من الأولاد شن بيديروا هي
أنت تريد وأنا أريد والله يفعل مايريد
وحتي أهله الحمد لله ما يتكلموش أبدا ولا يفتحوا فيه الموضوع هذا لأنه عارفين كله إرادة ربي
وبعدين أني نحس فيهن تلات بنأويت عادي مازال حتي أمي جابت تلاته بناويت في الأول بعدين جابت أولاد كله نصيبات

[أم ورد]

أهلين أمل كيف حالك وكيف حال الحمل معاك وربي ايسيرلك وتمملك على خير

[هدية الخالق]

حتي أني أموله زيك نتمني نجيب هلبه بنيات لأني شفت أمي كيف مرتاحة ماشاء الله
احني تمانية بنات كنا معاونين أمي حتي الناس يحسدو فيها لكن توا أغلبنا تزوجنا
مازال وحدة مخطوبه والبقية تلاته صغيرات

[أمل ليبيا]

جي جي الف الحمد لله ع سلامة اختك وتتربى في عزهم ان شاء الله والفال ليك تنوضي بالسلامة ونفرحولك

سوسو اكيد ماعندكش نت مع الاحداث الي صايره عندكم ربي يحفظكم ويعينكم طمنينا عليك ياحبيبه

[أمل ليبيا]

الحمد لله ام ورد اني بخير تسلمي ياغاليه والف مبروك ع الحمل ان شاء الله حتي انتي ربي يسهلك وتجيبي بالسلامه يارب

[أمل ليبيا]

ماشاء الله هدايه ربي يحفظكم لكن تعرفي حتي متزوجات غير كان كل يوم بتجي وحدة ماشاء الله تقدرو تستعدوها واني بروحي بالله قداش بنجي وشن بندير الحمد لله وخلاص وان شاء الله ربي يرزق حماتك واختك بالاولاد الصالحين ويرزقني واياك يارب

[أم ورد]

المشاركة الأصلية كتبت بواسطة أمل ليبيا

الحمد لله ام ورد اني بخير تسلمي ياغاليه والف مبروك ع الحمل
الله إيبارك فيك يارب
ان شاء الله حتي انتي ربي يسهلك وتجيبي بالسلامه يارب

اللهم أمين

[هدية الخالق]

ويينكم محتاره في العشي نفكر في رز بلاو والا كسكسي بالبصله
من جهة الرز بلاو أخف كعشي بس حوسته طبخ دجاج وقلي وغيره وغيره
انضني مندير كسكسي عالسريع وخلاص اليوم مش عارفه خيرني متنبله الحق

[dr.loly]

السلام عليكم ورحمة الله وبركاته


اسفه طلعت فجأه هدية بس زوجي جا قمعز وقال انا نعساااان ههههههه يعني سيبي لاب توب وصبي للعشااا



بنعلق امبدري انسيت كالعاده.. ع كلآمكـ متاع البنت لي فرحانه بالزواج المشكله انسيت حتي شن بنعلقلك توا الزهايمر اتطور عندي هههههههههههه