قبــل{ الحمــل} ماهي أعراضـــك؟؟

[MALAK2010]

السلام عليكم انا كنت عاوزة اسال هى الواحدة لما يتاخر عليها الدوره بس بتحس بالام الدورة خمس ايام ممكن تكون حامل ودة طبيعى افيدونى بخبرتكم

[Salma]

السلام عليكم و رحمة الله و بركاته

اولا اشكر الاخت (يارب ترزقني بطفل أضمه) على هالموضوع
و جزاك الله خير لاني استفدت كثير من تجارب البنات اللي شاركوا في الموضوع

انا تجربتي كالتالي باختصار

حملت بعد زواجي ب 7 شهور .. ما حسيت باعراض حمل كنت كالعاده منتظره الدوره و كان باقي عليها يومين ..
و تفاجأت انها نزلت يومين بدري .. يومين ووقفت و صارت تنزل افرازات شفافه

شكييت في الموضوع قلت يا بنت حللي ما قدرت اصبر للصبح علشان احلل حللت في لحظتها و طلعت حامل لكن ربي ما كتب للحمل انه يتم و اجهضت بهد شهرين ،، الحمد لله على كل حال ..

والان مرت سنه و نص على الاجهاض وانا احاول احمل ،، مابين المنشطات من كلوميد و ابر و ابر تفجيريه احيانا كنت مااخذ ولا شي علشان جسمي يرتاح شوي..

اخر شي سويته اخذت ابره تفجيريه الاسبوع اللي فات
وبعد 36ساعه من الابره (يعني وقت اللي المفروض يصير فيه جماع) جاني الم فظيع في البطن و جهة المبايض ..
اليوم ثامن يوم من الابره يعني ان شاءالله الاسباوع الجاي لازم احلل

عرفت ان الالم جاني من الابره لكن جاتني اعراض ثانيه ..
- آلام في البطن و الظهر و الفخوذ
- آلام في المبايض او في الرحم اثناء الجماع
- مالي خلق اسوي ولا شي ولا لي خلق زوجي ابد
- كثرة النعاس
- جاتني صخونه يوم واحد ارتفعت درجة حرارتي و راحت ثاني يوم مع الام شديده ف الجسم و ثقل
- الام خفيفه في الصدر
- غثيان كان شديد بس الان خف شوي
- نغزات اسفل البطن في الجهه اليسرى و خاصة اذا كنت جالسه ووقفت او لا جيت اكح مرره تعورني
- شهيتي مره مفتووحه

و الى الان ماني عارفه وش هالاعراض .. هل هي اعراض حمل ولا لا ؟؟
لاني بحملي الاول ما حسيت بأي وحام ولا شي بس كانت شهيتي مفتوحه
علما اني بحملي الاول حملت طبيعي بدوم اي علاج ..

ياليت اللي عندها فكره عن هالاعراض ،، يعني ممكن تبان اعراض الحمل قبل موعد الدوره ؟؟

سامحوني لو طولت عليكم
و ان شاء الله اللي حامل ربي يتمم عليها و يثبت حملها و تقوم لنا بالسلامه يارب

وربي يرزق كل متأخره بالذريه الصالحه الصحيحه السليمه المعافاه عاجلا غير اجل
وربي يستجيب دعواتنا في هالشهر الفضيل

(رب لا تذرني فردا وانت خير الوارثين)
(رب هب لي من لدنك ذريه طيبه انك سميع مجيب)

[يارب ترزقني بطفل أضمه]

مشكورين عالمرور ياقلبي لازم تراجعين لايصير لك مضاعفات من الابر المنشطة وانشالله تبشرينا بحملك والله يعوض تعبك وصبرك بهذا الشهر الفضيل يارب

[ام خطاب3]

بكرا دورتي يابنات
ادعووووووووولي زوجي مره متحمس

[ام خطاب3]

بنات هل الافرازات الصفراء دليل اكيد للدووووووره
ياارب

[Salma]

لا حبيبتي انا ما اخذت منشطات هذا الشهر بس ابره تفجيريه


الله يسهل و يكتب لنا اللي فيه الخير و الصلاح

اختي ام خطاب ..
والله ماعندي فكره عن الافرازات
لكن
الله يرزقك و يرزقني و يرزق كل محرومه بالذريه الصالحه السليمه العافااه عاجلا غير اجل

[ام خطاب3]

امين
ياليت اللي عندها خبر تفيدني

[ام خطاب3]

جتني الدوره الحمدلله ع كل حال
الله يعوضني وكل محرومه يارب

[يارب ترزقني بطفل أضمه]

ياقلبي يام خطاب لاتضيقين صدرك الله يرزقك من واسع فضله ويعوضك بالشهر الكريم بتؤام ياااااااااااااااااااااااااااااااااارب وربي نازل من سابع سماء
الله يسعدك ويوفقك وييسر امرك وعسى ان تكرهوا شي وهو خير لكم

[ام خطاب3]

الحمدلله ع كل حال
يارب ارزقني وارزق يارب ترزقني بطفل اضمه الذرية الصالحه وجميع المحرومات عاجلا غير اجل