مَجلس ../ موآليد شهر »• رجبْ 1434_ مآيو "يونيو 2013

[ام ميدووو]

انااااا جيت
الف مبروك للي ولدو بعدي
وعقبال الباقيين
بنات انا كنت ممنوعه من المشي والجماع وكل شي هههههههههههههه حتى مشروبات حارة ماشربت وزي منتو عارفين ولدي كانت المويات ناقصه شويا عليه مو النسبه اللي تخوف بس برضه ياشلت هم وخفت خوف ومن مستشفى حكومي لخاص وتصوير وسونار وموعد لموعد ويقولو لسلى يومين بالتاسع ويرجعو يقولو 10 ايام بالتاسع بس لاني دخلت التاسع ماعليا فيهم على حسابي طبعا هما في المستشفى بالشهر الاخير يحسبو على حجم الجنين وانا كانو يقولوللي 2\600 قرام
المهم جيتكم بيوم ولادتي وكان عندي موعد ف الحكومي قالو بيولدوني طلق صناعي الاحد الجاي ورحت بعد المغرب موعدي بالخاص ولاني مخططه اولد بالخاص رحت وشيكت وقالو كلو تمام بس البيبي له يومين حركتو خفيفه وكان يتحجر فسوينا سونار وتخطيط كلو تمام وقلت لدكتورتي على المستشفى الحكومي وانهم بيولدوني الاحد بس مو رايحتلهم
قالتللي مدامك دخلتي التاسع والسونار طمننا على البيبي ارجعي للبيت واشربي ملعقه خروع وخلي زوجك يجامعك واتروشي بمويه دافيه واشربي حليب بعسل وبكرة امشي وادعي وان شاء الله خير هههههههههههه دا على الساعه 10 او 9 ونص
وانا راجعه للبيت قلت لزوجي ماابغا اشرب خروع انا اقرف من ريحتو بس خلينا نشتري عشاء جيعاااانه وهفتانه
رجعت البيت ودخلت اتروشت واتجهزت هههههههه محرومه من جوزي شهرين وخرجت لبست واتعطرت واتعشينا وووووووووووووو مامداني اقوم من العشاء الا وطلق مدري من فين جاي ماشاء الله كل 10 دقايق
جوزي يحسبني اضحك عليه ويادوب لقطنا الشنطه ورجعنا على المستشفى وتكشف ويدخلوني يقولو ولاده الساعه 11 وماجات 4 الا وانا والده والحمد لله شفتو التساهيل من رب العالمين
لا وادخل ابشركم وانا توي رايحه غرفتي هههههههههههههههه تصدقو اني رسلتلكم وانا مو فايقه بالمرة حتى تاني يوم دخلت اشوف لا اكون رسلتلكم طلاسم والا خرابيط

معليش طولت بس حبيت اوضحلكم لانو كتير بيمرو باعراض زي اللي مريت فيها ادعو واتوكلو على الله وكلو تساهيل من رب العالمين

اللي سالتني انا ولدت ف الالماني ب 3000 ورعايتهم ممتازة وكل دكاترتهم ممتازين ولدت عند سلمى اكتر من رائعه بس عندهم دكتورة نهله الله يسامحها دفشه ويدها مرا تقيله انصحكم لا تخلوها تقرب منكم وحاولت تستعجل بولادتي اللين تجي دكتورتي وحطتلي طلق صناعي بهدلتني بس دكتورتي جات وشالتو على طول يعني اتداركت الوضع ومشي الحال
والخياطه شكلها ممتازة انا طلبت تجميلي ويارب تكمل اموري على خير
والشيخ حمزة طلع وزنه 2 و790 قرام هههههههههه صعنون الله يحميه ويطرح فيه وفي اخروانو البركه