هل عملتي طفل انبوب؟

[بنت الرياض]

المشاركة الأصلية كتبت بواسطة ام مصعب

السلام عليكم
اختي انا سويت انابيب عند مستشفى الحبيب بالرياض وكلفتني العملية حوالي 12 الف مع الأدوية والمثبتات وكل شي , وكيف دبرت المبلغ طبعا انا زوجي راتبة قليل ونصة اقصاد يعني الصافي منه لنا 4000 واحنا ساكنين بأجار ومصاريف السفر لأني مو من الرياض عاد قعدت وفكرت وشلون ادبر المبلغ وبفضل الله هداني اني ادخل جمعية مع مدرسات بمدرسة اختي ب1000 ريال والمدة سنة يعني من نويت العملية قعدت سنة وانا بالجمعية وبعد ماخلصت الجمعية بشهر 7 الي راح سويتها بشهر 8 وانا اليوم العاشر من الترجيع وانتظر النتيجة بس والله خايفة مااحس بأي شعور او وحم او اعراض حمل بس كلي امل بالمولى ما يخيب من يرتجية سبحانة , وعسى الله يرزقك ويرزق كل محرومة امين .وانصحك بالجمعية افضل طريقة .

الله يجزاك خير على المشااركه والتعاون
عسى ربي يسهل امرك بالشهر المبارك ويتمم فرحتك بالحمل بتؤم
معافى يارب
لاتقلقين وانا اختك توكلي على الله واستغلي الايام الفضيله بالتضرع والدعاء
صدق افدتيني كثير بس انا بديرة غربه مااعرف احد عشان اخش معه جمعيه
الله يسهل امري ولمر كل من تعسر