دردشة بنات فلسطين , دردشة حوامل فلسطين , تجمع بنات فلسطين

[دموع الليل]

بس انا ولادتى قيصرى الدكتور ما بيستنى حتى اخلص شهرى

[دموع الليل]

المشاركة الأصلية كتبت بواسطة حواء مثالية

دمووووووع عرفتي جنس لبيبي ولا لسه

رحت من اسبوع لسه ماكان واضح

حواء انتى من وين؟؟؟

[حواء مثالية]

على خير ان شاء الله كلنا بنولد بنفس الفترة تقريبا

انا من بيت لحم

[حلا الماس]

والله يا حواء ما بعرف من فترة ما لفيت بالسوق

بس هلأ اكيد بتكون الاسعار نار لانو بداية الموسم .. بس لسه البضايع الصيفية لهاي السنة ما وصلت لسه

كل التجار ومن ضمنهم جوزي بيقولوا البضايع ما رح تصل قبل 15 - 20 / 4 كلها بتوصل بوقت واحد

ولو في حد منزل بضايع هلأ كلها من الصيف الماضي

[حيفا]

اهلا وسهلا فيكي دموووع ربي يتمملك على خير يارب :)


انا مشتاقه للعسوووووولة وينها ؟؟؟ ما اجت من زمان تتطمننا عنها
وغموض طلت وغابت بعدها ، وهبوش بتطل وبتغيب : )
مسسسك ، وام محمد ، ام جودي ، ام عمر ، انبثاقه ،
دودو ولولو ولولو

اين انتن يا فتيات

[حلا الماس]

دموع .. الله يتمملك على خير يا رب

بس ليه بتولدي قيصري ؟؟

حيفا منورة .. بجد في كتير بنات غايبات ..

[حواء مثالية]

اها والله يا حلا محتارة كل المناسب بجو مع بعض وعلى الاسعار اللي بالسوق بدي 5000 شيكل وبصراحة جاييني رمضان والولادة وهدول لحالهم بدهم فاهمتيني

يعني عرس سلفي بعدها عرس اختي وعطول عرس اخواتي التنين وبعدها اولاد عمي التنين

[دموع الليل]

انا مثلك حواء عندى عرس اخوى كمان شهرين ومحتاره شو بدى اجيب

[حيفا]

حلا حبيبتي النور نورك :)


حواء في كتير محلات بتأجر فساتين ، حرام تشتري ، الاجار بكون ارخص كتييييير وبتختاري الموديل اللي بيعجبك ، يعني ببتستأجري لكل مناسباتك بسعر فستان واحد :)

[حلا الماس]

اها اكيد فاهمة عليكي يا حواء .. والله معك حق

والمشكلة انو يعني كل مناسبتك بتكوني بالوجه .. ما تاخدي اواعي كتيرة

خدي قعطتين او 3 مميزة وحلوة البسيها للمناسبات بحكم انك حامل ومقيدة باللبسات كلها رح تكون للحمل ومش رح تستفيدي منها كتير بعد ما تولدي .. او فيكي تستاجري بدلات بيكون سعرها مش متل الي بتشتريها .. يعني الاجار بيضل ارحم بالسعر .. وبهيك فيكي تغيري اكتر من لبسة لمناسباتك