دردشة بنات ليبيا , دردشة حوامل ليبيا , تجمع بنات ليبيا

[جوهرة ليبيا]

وعمرة ماكان السمن اينقص من جمال المراة الاصلي وانوثتها بالعكس فية اللي حلاوتها في سمنها
انا طبعا نتخيل فيك سمينة بس السمن الي مش مفرط يعني باليبي مليانة

[جوهرة ليبيا]

هههههههههههه ياسوسو انتي زيني
راجلي ايقولي الدلع حلو ومقدور علية
لكن دلوعة وحساسة لااااااااا

صحباتي امس قلتلهم مانقدرش انجي عاليومين للعرس مش حيخليني
قالولي لالالا انتي ماينخافش علية شوية من دلعك ودموعك اتخلية ايجيبك اسبوع ههههههههه

[sosolibya]

مبارك ماجاك يا أم وسونة وإن شاء الله من عباد الله الصالحين

[sosolibya]

حتى انتى اديرى فى الجو

هو اصلا مشحيقولك لا وحتى بدون تمثيل خخخخخخخخخ

[جوهرة ليبيا]

مش تمتيل حبيبتي سوسو انا هادا طبعي يعني مش زي مايحكوا النساوين ان مجرد اتجي تدلع علي راجلها ايقوللها من الاخير شن تبي
لا انا هادا طبعي وكتبت اني حساسة ومكتبتش دلوعة لان مش اي حد يتقبل انك اتقولي والله اني دلوعا
انا اصغر وحدة في حوش بوي والحق من غير امي وبوي دلعوني حتي خواتي البنات والولاد

[جوهرة ليبيا]

وكان قالي لا حنسمع كلامة هو مش لان بيحرمني من المشي لا
يعني لو قالي ديري الواجب يوم ساد وتكلم بجديات مش يبصر عليا خلاص انقول ان شاء الله ومستحيل نستغل دلعي
باش نوصل لحاجتي

[sosolibya]

المشاركة الأصلية كتبت بواسطة جوهرة ليبيا

وكان قالي لا حنسمع كلامة هو مش لان بيحرمني من المشي لا
يعني لو قالي ديري الواجب يوم ساد وتكلم بجديات مش يبصر عليا خلاص انقول ان شاء الله ومستحيل نستغل دلعي
باش نوصل لحاجتي

زيك تماما

يعنى نحرم نفسى من المسية ولا نمشى وهو مش عاجبه

فهمتينى

يعنى لو قالى لا مثلا وانا دلعت عليه وقلتله خلينى مشى

وقال باهى وحسيت انه وافق هكى وخلاص ومش عاجبه ومش راضى فى داخله

طول نقوله خلاص فوت الموضوع

وتعرفى بعدها مسكين نايرضاش فيا وبالضحكة والرضا يقولى خلاص امشى عادى

[جوهرة ليبيا]

وكل شئ بتسخير من الله سبحانة وتعالي

[sosolibya]

شنو شنو غير بشوية علينا ياحليلى على الحساس

حبيبتك سوسو تحبك وماترضى زعلك ياخوخة

[جوهرة ليبيا]

بالله سوسو قداش مقاسك في اللبس
وسمنتي بعد صغارك هلبة او عادي