بحاجه الي دعواتكم بالحمل

[نور حياتة]

المشاركة الأصلية كتبت بواسطة huyam

السلام عليكم و جمعه مباركه ان شاء الله
انا في حاجه لدعواتك أختي ومن قلبك الصافي و الله انا في امّس الحاجه للحمل ها الشهر ادعيلي ما تشرف دورتي و اطلع حامل و لك بالمثل يا رب
رب لا تذرني فردا و انت خير الوارثين
رب هب لي ولأخواتي بالمنتدى ولكل محرومه و مشتهيه حملا عاجلا غير آجل كامل معافى من دون زيادة ولا نقصان

وعليكم السلام ورحمه الله وبركااااااته
حبيبتي واختي في الله هيام اشكرج من كل قلبي انج خصيتيني بالموضوع ولا قصور في باجي خواتي
انا بقول لج شي وبقول هم حق كل بنت تتمنى تشيل في احشائها احلى شي بالدنيا الهديه اللي من رب العالمين
اول شي ابيه منكم
الثقه


الثقه



الثقه بالله يا بنااااااااات هذا اهم شي

والله العظيم كنت محبطه وكنت مكتأبه وكنت مسكره على روحي غرفتي ولما اطلع مع زوجي واشوف ملابس اليهال ابجي

بعدها تذكرت الله رب العالمين اللي مايرد عبده
حطيت كل ثقتي فيه وتوكلت عليه بكل اموري
وبذلت الاسباب ورحت خذيت ابره تفجيريه ودخل عالم الاحباط عالم النت وقريت احباطات كثيره وقلت ربي كبييييييييير
ربييييي قااااااااادر
وكثرت من الاستغفار بكل وقت
ودايما اردد ربي لاتذرني فردا وانت خير الوارثين
كثر ما اقدر مافي عدد معين
واصلي قيام الليل وانا على يقين وثقه اني لما ارفع ايدي لربي ماراح يردها
وفعلا الحمدلله الحمدلله الحمدلله حمدا كثيرا
كنت من بعد الابره كل يومين اسوي اختبار واشوف قوه الخط الثاني وكنت اشوفه كل يومين يخف ويخف
بس والله كنت واثقه اني حامل
وقال لي زوجي يالله الحين موعد التحليل يوم حللت وطلعت النتيجه النيرس حطتها بالظرف
وامشي لين السياره واهو بيدي وزوجي يمي يقول فتحيه قلت له ما افتح الا لما اتبارك للي لاني حامل
قال يابن فتحي وخل انشوف نشفتي دمي ولما بارك لي فتحته وشفت احلى مفاجاه سجدت عند باب السياره
ودشيت السياره اصرخ وابجي والم زوجي هههههههههه كان يوم عجيب


وبالنهايع يارب يارب بهاليوم الفضيل عسى الله يرزقج ويرزق كل وحده تتمنى تشوف ضناهاوكل وحده دعت لج بهالموضوع الله يرزقها اللي في بالها ياااااااارب
ويارب اتبشروني بحملكم الشهر الياي
وادعولي الله يسهل علي حملي ويثبته يارب ويهون علي بولادتي ويرزقني احلى بنووووته حسنه الخلق والاخلاق دون زياده او نقصان يارب صالحه باره