دعواتكم .. بنتي ماتت

[حنان 1]

الله يعوضك يا قلبي والله اني بكيت من قصتك حياتي
لاني حاسه فيك لاني اجهضت مرتين والمرة الثانيه كنت في بدايه الشهر الثالث
ثاني عيد الاضحى ووقف نبض الجنين وعطوني موعد عشان انام
عندهم في المستشفى
عز الله نزل الجنين في البيت طاح في يدي ياحياتي صغير كان متشكل
راس ويدات ورجول صغار مثل البراعم ماني قادرة انساه كل مااتذكره ابكي
ويوم اخذوه مني في المستشفى للفحص كانهم اخذو قلبي مني
بس ان شاء الله طير من طيور الجنه وشفيع لنا يارب
معليش حبيبتي كتبت قصتي في موضوعك اسفه
الله يعوضنا يارب بحمل سليم ثابت يارب العالمين

[بحور النشيد]

(حنان 1) ياعمري انتي تمونين كلنا بنفس المعاناة بس ربنا كريم والله يصبرنا ويعوضنا خير بإذنه تعالى

(didi) آآآآه هو بس مو فراغ هو عذاب لكن مانقول الا اللهم لا اعتراض على قضائك تخيلي شاريه لبس ورضاعه واشياء حلوه مع اني كنت حاسه انها ولد ماعرفت انها بنت الا قبل ماتموت بكم يوم حسيت بتانيب الضمير ما اعطيتها حنان كافي كنت اسولف على انها ولد ويوم دريت انها بنت بس مو متأكدين وانا عرفت من الاشعه كان واضح بديت اسولف معها اناديها بماما حبيبتي
الله يعوضك ويعوضنا كلنا

(لوووورا) اسم بنتي هزني في ردك واسم بنتك آنسني وحسيت بالإطمئنان حسيت ان بنتي بتكون حور من حور الجنه

وربي يابنات دموعي تنزل الحين. يارب .. ماعمري شكيت لأحد هذي اول مره اشكي لأحد بس من ثقل الهم ماقدرت اتحمل وخصوصا اني ماقدر اصلي الحين عشان النفاس لكن الله سبحانه معي في جميع احوالي
لا إله إلا انت سبحانك إني كنت من الظالمين .