تجمع الامل المنشود للطفل المحبوب

[املى فى الله]

السلام عليكم
تسمحولى انضم ليكم
انا بقه حكايتى حكايه
اولا . انا متجوزة من 9 سنين وكان عندى 20 سنه و جوزى اكبر منى 10 سنين وطلع العيب منه تشوهات ولزوجه وقله عدد وقله حركه واى حاجه حد حابب يضافها يضافها هههههههه
ثانيا . اخد علاج طبعا معملش حاجه وعمل عمليه دوالى و سافر المنصورة لدكتور جه فى مجله انه عالج حاله مثل حالته وكتب له علاج وكله ده ومفيش نتيجه وانا كنت كويسه بس قولت اجرب حاجات فيه يمكن تساعد كنت باخد منشطات للتبويض كلوميد وغيره يامه وعملت عملية توسيع عنق الرحم غير طبعا حاجات بلدى ناس كانت بتقولى انتى متشهرة وكلام من الفارغ ده
المهم تعبنا يامه وصرفنا يامه ويامه
قرر جوزى نوقف كل حاجه الكلام ده من حوالى 4 سنين
المهم واحد صحبتى كانت زى حالتى وقعدت مده وبعدين بكلمها لاقيتها حامل بس عملت حقن مجهرى فقررت ازن على جوزى بيه طبعا كان رافض رفض قاطع ..