أمنيتي أرضع بنت اختي ولكن !!

[احساس أنثى]

ليش ترضعيها الحب يبين باي طريقه لكن نصيحه كتير يرضعوا قرايبهم وهما اطفال وبس يكبروا ينسوا هالموضوع ويتزوجوا الاطفا يلي بالرضاعه ولما يبان الموضوع يتطلقوا يعني انتي قيسيها ... االايام مابتخلي الواحد فاكر كل شي ... هادي وجهة نظري ويمكن زوجك هاد ييلي حابب يوصلك اياه والهل اعلم

[samoka]

انا مستغرباكي جداااااا الصراحه
ومش مقتنعه بوجهه نظرك
ده رأيئ بصراحه

[ниō]

المشاركة الأصلية كتبت بواسطة um yosuf

وع.. وش ذا الرغبة الغريبة؟؟؟!!!!!!!!!
لوعتي كبدي وربي..
شفيهم ذا الناس!!

منتي مجبوره تردين .. ماحطت الموضوع تبيك تطنزين عليها !!
هي ودها ترضعها ويمكن ماقدرت توصل لنا وجهه نظرها
شي جايز وطبيعي لو حبت بكيفهااا ولو ماحبت بكيفهاا

[شوق وحنين]

ما شا الله هههههههه

انا متعجبة منكم مادري ليش الصراااحة مستنكرين الرضاعة لهالدرجة.. وكأنها عيب أو حرام.. أو انها بالضرورة بتسبب مشاكل في المستقبل.. ونسيتو ان رسول هالأمة عليه الصلاة والسلام كان مرضوع من السيدة حليمة رضي الله عنها وعنده اخوان بالرضاعة وما زادهم هالشي إلا شرف ورفعة.

أنا من عايلة محد فيها رضع أحد والحين نتمنى لو كانو مرضعين عشان نصير اخوان.. وما أجوف إن الحين بعد ما كبرنا وقعنا في حب بعض ونبي نتزوج من بعض أو بنموووت ههههههه..
لكن أعرف ناس مرضعين وبالعكس بينهم علاقات حلوة وهالشي كوّن روابط جميلة بين العايلات..

أنا عموماً رديت كلمت زوجي وبدا يفكر في الموضوع لكن في النهاية يعتمد هالشي على أم وأبو البنت..

أم يوسف... لا تعليق ههههههه ريلاكس واكلي آيسكريم

ولكم جزيييل الشكر على التفاعل الجميل..

[ورد الياسميين]

انصحك ماترضعيها يمكن من حبك لها تصير زوجه ولدك ومابيكون فرق سوا اشهر او سنه يعني احي عادي

[أم ريهام]

سبحان الله كل هذا اعتراض على شي الرسول عليه الصلاة والسلام لم يعترض عليه

وهو نفسه عليه الصلاة والسلام كان راضع من امرأة غير امه؟!!!!!!!!!!!!!!

يا اختي توكلي على الله واستأذني زوجك وأبوها هم أهم شي وتوكلي على الله

وكيف بالله يحبها وهي خلاص اخته

اهم شي تتبعي أوامر الدين وهو التشهير بهذا الرضاع وتسجيله ومحاولة أنكم تربطون بين الرضيع واهل المرضع كاخوة

واتركي أي كلام لا يمت للدين بصلة

ولا تنسي اهم شي انك تستخيري

[sweet moon]

مافيها شي

رضعيها بالعكس شي حلو

انها لاكبرت يكون لها اخ بالرضاعه

اعرف ناس ماشالله علاقتهم ببعض حلوه عيال خاله وعيال عمه

راضعين سوا ماشالله عين الله تحرسهم

وسالفه المستقبل والزواج ماعليه يعني كيف بيحبها وهي اخته

بلاش تفكير عقيم !!!

وبعدين هم اهل اكيد بيشوفها كثير

مو مغتربين وعايشين بدول عشان مايشوفها الى بالسنه والسنه

في تفكير صراحه غريب بقوه !!

اختي رضعيها وسوي اللي يريح ضميرك

لاتستشرين باحد بشيء مو غلط او حرام

[توجان القمر]

السلام عليكم اخواتي
انا اللي مستغربته من الموضوع اساسا ردودكم انتم الكل استنكر عشان المستقبل ومن هالكلام
حبيبتي انا جدا معجبه بحبك لبنت اختك بس شرعا مايجوز الا لضروره وهو ماشرع الا للضروره
يعني كل وحده حبت تسوي لبناتها اخو قالت ارضع ولد كانت صارت لخبطه وهذا مادعى له الدين انها للضروره فقط
كأن الام لاتستطيع لمرض او لموت الام لاسمح الله ومن هالضروف فقط
وحبيبتي ممكن تتأكدي من شيخ رغم تأكدي من معلوماتي بحكم دراستي دراسات اسلاميه

[شوق وحنين]

أم ريهام..
بالضبط هذا الي قاعدة أفكر فيه ههههههه تعرضت لهجوم ومب فاهمة ليش!

سويت مون..
تسلمييين يالغالية..
المشكلة اني ما نزلت الموضوع استشارة ولا سألت (هل تؤيدون أو لا تؤيدون)..
أنا نزلت الموضوع (كيف أقنع زوجي اني أرضع البنت)
لكن الظاهر ان سؤالي ما كان واضح

توجان القمر..
مشكورة على هالنقطة مع اني أول مرة أسمعها ان لضرورة لكن باسأل ولا يهمج :)

أم ريهام
سويت مون
توجان القمر
بردتو قلبي يالحلوات

[شوق وحنين]

زووووجي وااااااافق

أنتظر اللحظة المناسبة عشان أفاتح اختي بالموضوع