【ツ】أحلى تجمع لأحلى حوامل التوائم 【ツ】 ‏الجزء الثالث

[غلا القلب]

ان الله مع الصابرين


النيوبورن (Newborn) هذا ينفع للي اوزانهم فوق ال3.5 كيلو مثل ماقالت هيف
و التيني (Tiny) هذا للي اوزانهم بين 2.5 إلى 3 كيلو تقريبا وبتلاقينه في مذركير مثل ماقالت هيف بعذ
وفي الاصغر مقاس اللي هو للي اوزانهم 2 كيلو الى 2.5 يسمونه بريمي (Preemie) وبتلاقينه في بيبي شوب

انا خذت اصغر شي والمتوسط حاسبه حسابي لو ولدت قبل التاسع او وصلوا وايد صغااار لان بنت خالتي جابت توأمها في بداية الشهر التاسع وأوزانهم كيلوين والثاني كيلوين و200 جرام

[صفاء الروح]

الخمائل
اي و الله غرفه الولاده شعور مو طبيعي و لا يوصف .. الله اسهل علينا جميع يا رب

الشرف الرفيع
هههههههههه اكشن قوي فعلا و ما كنت مستعده للموضوع بالمره و ما فكرت اقول لهم
ولدوني . كل شعور اني مرتبكه و خايفه

هيف
اي و الله حبيبتي رعب بس لحظة الي اسمع صوت البيبي ابتسم على طول و ارتاح كأني انا الي والده .الله ابلغنا جميع يا رب .. و ان شاء الله اوصل لموعدي

انا الله مع الصابرين
اي و الله ما قصروا فيني . احنا بدون شي كله خوف و سواس
يا رب امر هالاسبوع على خير و بالسرعه


و عقبال ما انوصل بالسلامه جميع و نحكي لكم قصه اكشن الولاده الحقيقي

[انا الله معا الصابرين]

المشاركة الأصلية كتبت بواسطة غلا القلب

ان الله مع الصابرين


النيوبورن (newborn) هذا ينفع للي اوزانهم فوق ال3.5 كيلو مثل ماقالت هيف
و التيني (tiny) هذا للي اوزانهم بين 2.5 إلى 3 كيلو تقريبا وبتلاقينه في مذركير مثل ماقالت هيف بعذ
وفي الاصغر مقاس اللي هو للي اوزانهم 2 كيلو الى 2.5 يسمونه بريمي (preemie) وبتلاقينه في بيبي شوب

انا خذت اصغر شي والمتوسط حاسبه حسابي لو ولدت قبل التاسع او وصلوا وايد صغااار لان بنت خالتي جابت توأمها في بداية الشهر التاسع وأوزانهم كيلوين والثاني كيلوين و200 جرام

يعني اشوف لي ياتيني يابريمي اصغر...طيب كم لبسه تكفي تتوقعين؟ لني ناويه خلاص بعد موعدي يوم الاربعاء بشتري قبل رمضان..بتاكد اكثر عن الجنس وبجهز

[احلى توينز]

هلا بنات .. مساء الخييير ..
البنات اللي بيسألوو عن الربط .. ما اعتقد إنه شي ضروري الدكتوره اللي اتابع معها ما عمرها جابت لي سيره عنه .. يمكن يستخدمونه للبعض اللي صار لهم إسلابات او ولادات مبكره .. من قبل .. اما اللي وضعهم طبيعي ما اعتقد يسوونه .. والحمل بتوأم ماهو شرط الربط له ..

نقاء روح ..

وحشتينا يا بنت .. وش فيك يالغلا رجعتي للوساوس .. لأفرازات شي طبيعي مع الحمل خصوصا إذا كانت شبه عايديه .. اما إذا حسيتي إنها كثيره مره وسائله .. ظروري تراجعي الدكتوره ..
بعديين تعالي .. إحنا قلنا إنتبهي على نفسك .. ليش رحتي تشيلي البنت الصغيره ..
ما تشوفين شر يالغاليه .. إنتي بس خليك مرتاحه كثيير خصوصا إنك مقبله على الشهر السادس .. وهالشهر .. صعب وراح تحسي فيه بأعراض وآلام جديده مع كبر حجم الرحم وثقل التوأم .. يعني لا توسوسين في الجاي .. وخليك مرتاحه اكثر من دايم .. عشان ما تزيد معك الأعراض ..
استودعك الله الذي لا تضيع ودائعه ..