نصف المواليد مصابون بالصفراء

[شاطئ القمـر]

انا ابني وصل معو الصفار 20 يعني مرحلة الخطر بس الحمدلله هلا تحسن لاني تابعتو اول باول

اهم الخطوات لمعالجة الصفار متل ما عملت انا وان شاالله اني بفيدكم:

- خلي ضوء الغرفة ((ضوء ابيض متل النيون او في نوع اسمه فلورسنت)) مضاء 24 ساعة بغرفة الطفل حتى لو بتتدايقي من الضوء بدك تتحملي كرمال ابنك او بنتك.

- بدك تعرضي الطفل لاشعة الشمس وقت وجود الاشعة المفيدة ((الصبح بكير واخر النهار)) ويفضل تكون ايدين الطفل واقدامه ومنطقة الصدر مكشوفة للشمس لمدة 5 ال 10 دقايق يوميا.

- بتجيبي 7 حبات ثوم وبتعمليها على شكل عقد وبتخليها تحت ابط الطفل ((بس مو على الجلد مباشرة لانو الثوم حامي وممكن يسبب حروق لبشرة الطفل)). وبتخلي عقد الثوم لحد ما يذبل ويصفر لونه وممكن تغيريه اكتر من مرة لحد ما يخف الصفار من الطفل.

- اهم شي الرضاعة الطبيعية لا تتركي الرضاعة الطبيعية طول مدة وجود الصفار عند الطفل ويجب ارضاعه باستمرار حتى لو نايم صحيه وحاولي ترضعيه لانو الرضاعة الطبيعية بتساعد كتير على خروج الصفار مع براز الطفل اجلكم الله.

- بتابعي نسبة الصفار من خلال عمل فحص للطفل بالمختبر يسمى ((بلروبين bilirubin)) للمرة الاولى بتعملي فحص كامل معروف لدى المختبرات يسمى المباشر وغير المباشر ((Direct & indirect)) وبعدين اذا تاكدتي انو صفائح الدم سليمة بتصيري كل كم يوم تعملي فحص نسبة الصفار فقط وبالوضع الطبيعي رح تلاحظي انه النسبة بتقل مع الايام اهم شي ما ترتفع.

- من المهم انه ما تطعمي الطفل خلال ارتفاع نسبة الصفار او تطهريه لازم تأجلي كل هالامور لحد ما يتعافى الطفل وفيكي تعرفي انو الصفار عم يخف من لون عيون الطفل واحيانا لسانه هلا اذا لاحظتي انو الطفل عم يتبرز بكثرة وانه البراز شبه سائل ولونه اصفر لا تخافي بيكون الوضع طبيعي لانه الصفار بيخرج مع البراز متل ما خبرتك.


اسفة خواتي بعرف طولت عليكم بس حبيت افيدكم من تجربتي بابني والله يخليلكم صغاركم ويتربوا بعزكم.