حياكم بخبركم قصة ولادتي

[شمواه]

السلام عليكم ورحمة الله وبركاته
ابشركم امس خلصت اخر اختبار ووووووووه فككه مابغيت ..
عااد الحين بقوولكم قصتي بالولادة ..
انا ولدت بالعاشر طبعا اعطتني الدكتورة تاريخ 19 _5 وماولدت غير 6_6
وماخليت شي ماجربته الدارسين والاناناس والقرنفل والشيح وزيت الخروع شربت منه قارورتين كامله وماسوت لي شي سبحان وسويت كبو وخرابيط ومانفع المهم صار يوم السبت 5-6 وقررت اروح المستشفى بسوي طلق صناعي واتطمن عالجنين طلعت الساعه 6 الصباح وفحصتني الدكتورة طلع 2 سم وطلعتني الغرفه حقتي وركبولي مغذي عالساعه 9 بعدين عالساعه 11 ركبت مغذي ثاني بس مع ابرة الطلق الصناعي وبدا معاي الطلق كل ربع ساعه تقريبا
بعدين صارت الساعه 1 الظهر وراح الطلق اللي من تأثير الابرة كلله اختفى
وصبرت الدكتورة لحد 3 العصر وبعدين توكلت على الله واخذت الطلق الصناعي التحميلة والله لا يوريكم الالم وربي فضييع وبعدين ركبوا التخطيط وبعد العشاء حطوولي مغذي المهم انا ادعي ربي طووول الوقت انه ينفتح الرحم ومااحتاج التحميلة الثانية لان الطلق الصناعي ثلاث جرعات بين كل وحده ثمان سااعات المهم انا مررره كنت خايفة اني اخذ الجرعه الثانية والحمدلله لما جات الدكتورة الساعه 9 قالت ماتحتاجين انفتح اربع سم والحمدلله وبعدين لما صارت الساعه 11 بالليل بدا معاي الطلق مررره فضيع كل 5 دقايق وماقدرت اجلس ولا قدرت انسدح بالسرير
الى الساعه 5 الفجر وانا على رجوولي والالم ذبحني بعدين جات الدكتورة قالت بنسوي تخطيط ومارضيت لاني مااقدر اجلس عالسرير قاست الرحم طلع 5 سم انا انجنيت هناا كل هذا الالم ولسا 5 متى بيصير 10 ومتى بيجي اصلا ومرره خفت وتعبت قالوا انزلي لغرفة الولادة نزلوني واخذت البنج الكمام لاني ماقدرت خلاص الم وفيني نوم لاني يومين مانمت وكمان جوعانه الله يكرمكم ماكان يجلس في بطني شي حتى المويه اطلعها وانتوا بكرامه وبعدين قاست طلع 7 والحمدلله صبرت شووي وعلى 6 صار 10 وولدت الحمدلله بس طبعا لما جا وقت الدفع مافيني حيل
صارت ممرضتين يضغطون على بطني لحد ماطلعت بنتي عالدنيا الحمدلله وذلك بتاريخ 6-6-2010 ربي يحميها
اعذروني طوولت عليكم بس شسوي قصتي طويلة
بس تدرون لما جربت الولادة والله بس ادعي لامي وقلتلها سامحيني اذا زعلتك من جد تعب الولادة .... ووقلتلها انا كنت احب ابوي اكثر والحين صرت احبك انتي اكثر خخخخخخخخ
وسوري عالاطالة حبايبي ... باي

[&غــــرام&]

مبرووووووووك حبيبتي
وتتربى بعزك وعز ابوهااااا
عقبالي يارب

[demoshka]

الحمدلله على السلامة ومبااارك البنوتة

[فتون]

ياقلبو الف مبروووووك تتربى بعزك
حكايتك نفس حكاايتي بالتمام ماشالله امكن تؤام ههههههههههههههههههه
بس انا اعطوني الطلق الفجر الاحد ولدت الاثنين الظهر
سبحان الله كيف صبرنا ماادري
بس ووقت الولادة ماحسيت بتعب كثير حتى الكدتورة تقول لي ماشالله ولاصووت
تقوول ان الدكتورة الثاانية ظنت اني خرسا هههههههههههههه
الحمدالله على السلامة وبشرينا عن نتيجة اختباراتك فديتك

[أم تاليا]

الف مبرووووووووك وحمدالله على سلامتك ياقلبي

[منااوي]

الف مبروووووك وعقبال ماتشوفينها عروس انشالله
ايش سميتيها ؟؟

[مليت فرقاكـ]

الحمد لله على السلاآآمه ..وتتربى بعزك بنتك ومبروك عليك

[ام بسولي]

الحمدلله على سلامتك وسلامتة بنتك

ومبروك ماشاء الله تتربى بعزك

ياربي وانا اقرا موضوعك مرره خايفه ماجربت الولاده الطبيعيه ولا الطلق
احس الطلق مثل الام الدوره وانا مااتحمل الام الدوره الله يستروالله اني مره خايفه

احس لو بيصير لي اللي يصير لك بذبح الدكتوره ورجلي

والله يسهل على كل حامل ولادتها يارب


دمتي بود

[يارا]

الف مبروك البنوته تتربى بعزك

[ميمــو بينــك]

ألف مبروووكـ
تتربى بعزج يآآرب
ويرزقج برهآآآ
وعقبالنآآآ يآآرب ...