تجمع الحوامل اللاواتي سيلدن بشهر رجب 1433

[&&جلنار&&]

ام الحميدي ..الحمدلله انا بخير يالغلا.. انتي كيفك؟
البطن تنتفخ وتصغر خاصة بعد الأكل و في الشهور الأخيره الغازات تزيد فـ تتنفخ البطن وتصغر انا هذا الي حاصل معي بس ع قولتك دام يتحرك الجنين فـ ان شاء الله مافي شيء يخوف
على كذا بروح اراجع يوم الخميس ان شاء الله اكون في نص الثامن..الله يسهل يارب
إلا الآن ماقد قالتلي دكتورتي كم وزن الجنين =/
الله يستر

طال عمري..كنت بسوي زيك بس قلت أتأكد منكم ..تسلمي حبيبتي

لولي..ذكرتيني بالسرير الي كنا نبي نشتريه وارتفع سعره
انا زوجي لمن شاف انهم رفعو سعره قاله المسؤل عن الأسره وهالأشياء تعال في شهر 7 ميلادي حيوافق شهر شعبان حيكون فيه تخفيضات اقوى وعلى اشياء أكثر
فـ عاد بنتظر لين تنزل التخفيضات لان الميزانيه جدا مضروبه حتى ميزانيتي عندي فلوس مخليتها للغساله الي ابي اشتريها ما ابغى اصرفها
والاسفنجه اشتريتها انا بنفس هالسعر..وانا ما احب اروح السوق وارجع يدي فاضيه ><
العصر طويييييييييييييل هوا احسن وقت حاليا للتسوق هالايام
على فكره دبن هامز عندهم تخفيض 50% عندهم ملابس اطفال حق النوم (الي هي البربتوزات الكاامله) مره حلوه والبربتوزات الداخليه قطنها جنااااان احسن من حق مذركير نصيحه لاتفوتك لو زوجي بيرضى كان رحت واخذت لكن بيقول كفايه اشترينا وخلصنا><

[&&جلنار&&]

المشاركة الأصلية كتبت بواسطة loly2011

والله قاعده اقول لزوجي شكلي والله العالم بولد بدري

وصار يسأل انتي كم لك بالثامن قلت مدري ما احسب

وحسيته صار فيه خوف وسكت يفكر وبعدين قال

اصبري 3 اسابيع عشان مدرسه ولدي وبعدين كيفك

قلت بكيفي أنا.. اذا جت الولاده خلاص مافي رجعه ههههههه

ههههههههـ ليتها بكيفنا كان كلنا والدين خخخخ

موضوع النفسه لاتفتحيه ولاهم يحزنون اسكتي وبس زي ماقالت طال عمري
لاتعطيه اي علامة رضى لاهزة راس ولا اصباع حتى ><

[loly2011]

جلنار .. لا أنا ما فكرت ابد بـ بربتوزات مذركير مااحبها

ودبنهامز موجود عندنا بنفس السوق الي بروح له وشكلي بشتري

منه بكره واخلص وماراح اروح لـ سنتر بوينت لان ناويه أخذ

البربتوزات من عنده بس بكره بروح واخلص والله يعين

مجمع الظهران عندنا كبير وتمشين مشي مؤ طبيعي فيه

الله يستر لا أولد فيه ههههه بس كويس المستشفى الي ابي اروح

وأولد فيه قريب مررررررره من عنده هههههه >> ناويه تولد الخاينه

[loly2011]

لا ابد ماراح افتح الموضوع معاه الا اذا هو فتحه

بقول مافي روحه لأهلي وخلاص أريح شي لي بيتي

وياااارب انه يقتنع ويريحني

[مساحه بلا قيود]

بنات انا لي ساعه تقريبا نهاية بطني يوجعني
وظهري من العصر هو يوجعني
وش اسوي اروح للمستشفى او لا
يمكن من المشي اليوم مشيت

[loly2011]

مساحه بلا قيود .. أتوقع من المشي بس لو حسيتي الألم زاد أنصحك تروحين

وتتأكدين وتتطمنين على نفسك


أنا الحين من المشي الي اليوم وطول الوقت بالسياره جالسه

وفوق هذا كنست ونظفت البيت الحين عندي الم فضيييييع

بـ الجهه اليمين من الحوض الله يعينا ويصبرنا

[&&جلنار&&]

لولي..كويس الله يسهلك هالسوق..احلى شيء انه المستشفى جنبه خخخخ
الله يسهلك والجميع يارب

ارتااااااااااحو وان شاء الله يروح الألم الله يكون بعونكم =(

[طال@عمري]

لولي ذكرتيني بزوجي اذا قلتله يمكن اولد قبل 10-7 يقول لا اصبري شوي قلت ع كيفك بس اذا جات جات مافيه صبر ههههههههههههههه



ما رحت السوقزوجي جا الساعه 10 قلت خلها بكره احسن

[loly2011]

بنات تخيلوا اليوم في مذركير انصدمت من شغله

وبالصدفة صارت أخذت بدله بناتيه أشوفها أنا أتذكر

سعرها 200 في فرعهم الي بدارين وفي فرع بن خلدون

اليوم شفتها وقلت باخذها بس بشوف كم سعرها

اذا 200 ما افكر اخذها ولما طالعت سعرها شفت مكتوب 65

ولما شفت المقاس صغير حق حديثي الولاده قلت لا بأخذ حق 3 شهور

ولما شفت كرت السعر لقيت مكتوب 85 انصدمت وناديته وسألته وراح طلع

قطعه ثانيه منها الا مكتوب 85 وقال لا هذي 85 مو 65وانا متأكده

أني شايفتها 200 والبدله جديده ما عليها تخفيض لو احد غيري ويمكن

حتى أنا ما انتبهه وأخذها وانا مادري كم سعرهااا صراحه قهروني مرررره

يستهبلون ع الناس شايفينا نشيل وماننتبه لأي شي بس نأخذ وندفع هههههه

[الأميره وبس]

مرحباً حبوبات
طال .. والله زوجي ولين منكدين علي كل واحد يعطس من مكان الله يعديها ع خير
لولي ههههه اي والله نشيل وما ندري عن شي اهم شي يعجبنا
مساحه سلامتك بس ريحي حالك شوي