كتير متدايقة يا بنات :(

[القلب محتار والرب غفار]

السلام عليكم كيفكم اخواتي

انا بكرا موعد دورتي وهي منتظمة .. اليوم عملت تحليل منزلي وطلع سالب
لو في حمل كان بان لانه الدورة منتظمة .. وانا جدا جدا مخنوقة
يعني انا وزوجي سليمين .. شو اعمل اكتر من هيك عشان احمل نفسي اعرف .. مليت وبحاول ما افكر بالموضوع بس ما تقولولي بينفع ..

مش قادرة ما افكر حتى لو شغلت نفسي باي شي بجد لازم افكر بالموضوع
وما تقولولي بكير والتحليل غلط لانه كل اللي بعرفهم دورتهم منتظمة التحليل بيبان في هاد الوقت
حتى لو خط خفيف المهم بيبان

الله يعين بس .. والله افكر بكل اللي تزوجوا بعدي وحملوا ومن اسئلة اهل وزوجي والكل بيفكر انه انا عاجزة .. بس طالما احنا التنين سليمين شو نعمل اكتر من هيك

استغفر الله العظيم بس .. الله يتمم عليكم نعمة الحمل والامومة يا بنات لانها بجد نعمة وانا مفتقداها