تجمع لحوامل شهر جمادى الأولى 1433

[حلم حقيقي]

اخباركم يالغوالي؟؟؟

انا بحساب السوناار بالتاسع ربي يهون علينا يارب

[المخملية]

أم لمااار
مستحيل تكوني باول الثامن
انا حاسبة ببرنامج حساب الحمل الي الاغلب يحسب عليه
بكرة الخميس ادخل الاسبوع 35
يعني علي نهاية الثامن بقي لي 4 ايام وادخل التاسع
يعني كل 5 من كل شهر ادخل شهر
والدكتورة تقولي اخر كل شهر ادخل شهر
يعني يعتبر دخلت التاسع في هاليومين علي كلام الدكتورة
والله اعلم

[شوكولاته ساخنه]

الله يسهل علينا يجيني مغص كثييييييييييييييييييييير

[همسة دلع]

انا موعد ولادتي يوم 2 بشهر 5

طبعا عمليه وهذه العمليه الثانيه ليا لاكن هذه المره الخوف زايد شوي مدري ليه

لاكن استودع الله مافي بطني ونفسي

[المخملية]

همسة دلع
يعني يوم السبت ولادتك
الله يقومك بالسلامة وتفرحين بالبيبي ..

[المخملية]

ابغي انام لكن ذبحني حااجة زي التقريص بجسمي
ياارب رحمتك

[شذى الجنوب]

سلام

اخباركم


بوح التفاؤل انا آخر دورة 15/8

حلم حقيقي عاش من شافك وينك عنا انتي وفوفو

[white sugar]

صباح الخير يا كراريش :-) ولا اقول كروشات خخخخخخ
اشوف نشاطكم قل امس مافي هرج كتير لا تقولوا عشان امس ما دخلت معاكم هههههههه

ولدي لو اسبوع ماسكة معاه سخونة على خفيف مع زكمة ودحي زادت موصلة ل 38،8 تخيلو مسكين تقلي بيضة على راسه من الحرارة ، غير الكحة اللي تجيه كمان صوتها يفجع
كلو من الغبار والجو التعبان. . والله انا تعبت معاه من كتر الامراض اللي تجيه بس الواحد ما يقول غير الحمدلله على كل حال ، كنا بنطلع الكباين الويك اند دا بس كويس اني فركشت الطلعة من بدري

بنات مين تعرف محل يسوي البلالين اللي عالباب بسعر معقول. . انا سالت فعاصم حق الهدايا قالي المتر ب 150 والباب حيكلفني من 600 الى 800 ريال والله حرام
ايام ولدي سويت كل شي بنفسي بس المرة دي مالي خلق انزل اشتري الاغراض واساسا مو عارفة يمكن اولد بدري يعني متى يمدي اسوي البلالين ومين حيركبها وووو حوسة والله

[..ام بدر..]

صباااح الووورد

وايت سكر...انا بولدي سويتها من نفس المستشفى بس ما اذكر بكم وهالمره كمان بسويها عندهم...والف سلامه على ولدك والله انا كمان مانمت من امس ولا ساعتين شد علي التهاب صدري واللوز وصعوبة في التنفس وزكااام وصداااع تعذبت ومني قادره انام الله يكتب لنا الاجر

.....بنــِاااات لا تمشون بحساب السونار خلوكم على حساااب الدوره هو الصح....والمخمليه صح انتي كل 5تدخلين شهر جديد وشذى كل 30شهر جديد
والله يسهل علينا اجمعين

[Rany]

ازيكم يا قطاقيط , انا كمان في اول التاسع اهو , موعد الولادة السونار كل شوية بحالة مرة يطلعني 19 ومرة 20 ومرة 21 طبعا ابريل , هااااااا مين معايا