الله يخليك ردي على موضوعي الله يرزقك بالذريه عاجلا غير اجل من كل قلبي

[Nourelhouda]

حبيبتي انا بعد الزواج ب8 اشهر حملت واجهضت في الشهر الاول و ما حملت بعدها زوجي راح سوا التحاليل بعد سنة لقو عندو قلة و ضعف و حكولنا طيران عشان نعمل اطفال انابيب قبل لا تختفي الكمية الموجودة احنا حكينا خلينا نتعالج طبيعي و بعد مدة ما كان في حمل رحنا نسوي اطفال الانابيب. عملت تحاليل انا سليمة و الحمد لله اما زوجي لما عمل التحاليل لقوها صفر بس حكولو في امل راح نعملك الخزعة (يفتحو الخصية و يطلعو الخلية تاعت الحيوانات المنوية و ياخذو منها) لما سواها ما كان في حيوانت منوية ناضجة و تصلح للتلقيح كلها صغيرة بيبي هههههه حكولنا خلوها على الله... بس لما امي راحت على الاردن حكالها دكتور بما انو كان عندو و اختفو اكيد راح يرجعو بس بدهم فترة خليهم يستنو شوي و يعملو تحليل و اذا لقو و لو واحد يجو عندي على طول نعمل اطفال انابيب حكالها نسبة النجاح 60% بس ما في امل تحمل طبيعي.... تصدقي اختي احنا لما حكولنا خلوها على الله احبطنا انا و زوجي و النفسية دمار بس بعدين مسكنا ايدين بعض و هينا متفائلين انا و هو اني احمل طبيعي و عم نستنى فضل الله و كرمه هو قادر على كل اشي مو الطب. خاصة اني سمعت كثير قصص عن بنات كان ازواجهم عندهم صفر حيوانات و حملو طبيعي ...
نصيحة خلي زوجك جري يعمل تحليل حيوانات منوية ما تضيعو الفرصة و ان شاء الله ما تحتاجي لا اطفال انابيب و ولا ايشي ان شاء الله تحمل طبيعي و تجي تبشرينا يا رب يا رحيم...تفاءلي خيرا.. اسفة حكيتلك قصة حياتي هههههه في امان الله.