هنا تجمع حوامل الشهر (الاول والثاني والثالث)

[مرافئ]

المشاركة الأصلية كتبت بواسطة Miss YoYo

مرحبا حبيبيتي
انا حالي مثل حالك ، موجوده بأمريكا وما اعرف احد
أنتي موجوده بأي ولايه ؟
وهذا اول حمل لي والحاله اللي جايتك نفسا عندي
بس مثل ماقالت نعومه ، انا فعلا لقيت ان الحوامض تخفف عندي شوي
بديت اكل سلطه واحط عليها ليمون مع كل وجبه
يعني اكل شوية غذا وعلى طول سلطه
والصباح اكل لي فاكهه واكل بعدها زيتون اخضر حامض
ونفس ع العشا اكل شي وبعده سلطه وليمونه
بس حاولي تتعشين بدري عشان لا تنامين والأكل باقي ما انهضم
ويحصر عندك حموضه وألم في المعده
غير مذا اذا كنتي تاخذين فيتامينات وقفيها يومين او 3 وشوفي حالتك
انا وصفت لي فيتامين الدكتوره بس كان قوي علي او فيه شي انا اتحسس منه
سبب لي ضيق نفس وغثيان وترجيع اكثر ودوخه
لدرجه مره طحت بالحمام وانا اسبح بس الحمدلله كان زوجي موجود في البيت
الحين انا اخذت فيتامين من الـ Wslmart اسمه Centrum
وهذي صورته ، مره ريحني حسيت حتى التعب اللي بجسمي خف شوي

الله يهوووووون عليك .. ضيقتي صدري لما قلتي إنك مثلي وأنت أول طفل بجد الله يعيننا وبسسسس .. أنا في ولاية ديلوير بجنب فيلادلفيا ...
تصدقين إني للآن مارحت للدكتورة لأن عندهم زحمة مواعيد وأول موعد لي هو الأثنين الجاي بإذن الله ..
بالنسبة للفيتامين أنا برضه أخذت من Walmart بس نوعه يختلف عنك ...
شكلي راح أروح اليوم أشتري زيك بإذن الله ....

الله يجزاكم خير يابنات نفسيتي والله تغيرت بعد دعمكم وكلامككم .., الله لا يحرمكم الأجر ويقر عيوننا جميعا بعيالنا سالمين معافين يارب ...