ام زوجي ومكرها بعد سنين من تركها لولدها بعمر السنتين

[نورمان]

شوفي حبيبتي قصتك مثل قصتي بالضبط
امه اتزوجت وسابته وابوه تزوج وسابه وهو المسكين عاش مع اعمامه
لما كبر وصار عمره 15 طلع لحاله واشتغل وعلم نفسه لحاله
وفتح الله عليه ورزقه الحمدلله وامه عرفت الا اتقربت منه
وجاءالحب والحنان وهو من كثر فرحته فيها مايبغا يزعلها ابدا وهي مثل ماقلتي تستغله
وتاخذ منه فلوس وكان يصرف عليها هي وعيالها
وكانو عيالها اصغر منه بثلاث واربع سنين وزاد الاستغلال لدرجة انه اشترا لها فيلا وكتبه بسمها
طبعا هذا قبل ما اتزوجه وبعد ما اتزوجته خسر صفقه وفقر فجئه وهي ولا عاد سمعنالها حس
الا كانت تقوله هذي جت عليك بالفقر طلقها
وجا يكلم عيالها اي هم اخوانه يساعدوه مثل ماساعدهم كانو يقفلو الخط ولا يكلموه
رحنا نقعد عندهم وامه جت تقوله انقلع اخرج من بيتي مع انه بيت زوجي بس كتبه بسمها
المهم كافحت مع زوجي سنه تقريبا وربي ماخيب رجايا وجانا الرزق الحمدلله
مثل اول واحسن الحمدلله رب العالمين
وتعالي شوفي اتصالات امه واخوانه
وهو رجع يرسلهم مثل اول واكثر والي يقهر انه يجيب لهم اكثر مايجيب لبيته
ومايسالو عني ولا يكلموني على حجة انهم رافضين زاواجي منه طيب وين كنتو يوم كان اخوكم طايح
وين كنتو لما كنت اوديه المستشفى اسعاف
وين كنتو لما كان يتسلف من اصحابه .... انا الي وقفت جنب زوجي انا
وانا الي كنت اطبطب عليه يوم اتخليتو عنه اهله وانا وانا ... الخ
وبعد هذا كله جيتو وبكل بجاحه تقولو مش راضيين فيني
اصلا من طلب رايكم ومن انتو اصلا عشان تتكلمو بهذا الخصوص
هذا كان ردي لهم
لان زوجي ماينصفني قمت انا ارد كرامتي بنفسي ومعذور زوجي ماصدق لقاله اهل واخوان
بس بالاسم
اعذريني حبيبتي طولت عليكي بس نصيحتي قولي لزوجك
اذا انتا ماتقدر تنصفني لا تزعل من تصرفاتي لاني ماحب حد يمس كرامتي مهما كان