قرروا لي قيصري

[ام اسكندر]

خذي نفس الشنطة حق اللي تولد طبيعي << زودي عليها شوية غيارات بس
حتلاقي مواضيع كثيرة عن شنطة المستشفى في قسم تجهيزات المواليد هنا بالمنتدى
وراجعي موضوع لي قديم كتبته يوم كنت رايحة اولد قيصري
وفادوني البنات جدااااااا فيه

http://forum.hwaml.com/t33365.html

ومن ملاحظاتي ع اللي احتجته في ولادتي لاني ولدت في موسم برد :

-اخذت جاكت قطني عشان الجو بارد
-وعلى فكرة تروشت وسشورت شعري الصباح قبل اروح المستشفى عشان يجوني الزوار وانا مرتبة
- اذا كنتي من النوع الخواف اللي يتألم من ابسط شي خلي الممرضة تركب لك القسطرة بعد التخدير
هيا ماتوجع بس المطهر اللي يسووه معاها يحرق بأول دقايق وبعدين خلاص
- كثري بالغيار الداخلي وخذي ألويز معاكي احتياط
-خذي ارواب قديمة عشان لو سرب عليها دم ارميها الزبالة وخلاص
- خذي شراب لرجولك
- اسألي عن نظام المستشفى اذا كانو من النوع اللي يلبسو البيبي خلال ايام تواجدك بالمستشفى (3أيام) اذا كانو يلبسوه من عندهم فلاتاخذي له الا لبس الخروج بس
اما لو كانو يطلبو منك لبس البيبي خذيله حق 3 ايام

وتقومي بالسلامة يارب وتطمنينا عنك