دعواتكم اجهضت للمره الثانيه

[زهــــور]

السلام عليكم ورحمة الله وبركاته

اخواتي انا سقطت للمره الثانيه وخلال 3 شهور اجهضت مرتين والسبب

جهلي في امور الحمل وانا اكيدعرفتوني لان كتبت موضوعين وبحملي الاول والثاني

وللاسف اجهضت امس واول شي ابي تدعون لي بالذريه الصالحه وبعدين

ابي تنصحوني واللي مجربه لاتبخل متى احمل ومتى اوقف المانع وش افضل

مانع انا موعدي مع الدكتوره اليوم تقولي سبب الاجهاض لاني عملت عدت

انواع تحاليل وتقول لازم تاخذي 2 او3 اشهور مانع ..

وابي تدعون لاخت اللي ساعدتني الله يرزقها من حيث ماتحتسب

ويعطيها لين يرضيها وعلى فكره هي من منتداكم ..........

نصايحكم واسم الحبوب ضروي اليوم لان موعدي بعد المغرب .

ومشكورين مقدما..

[زهــــور]

اللي ماعندها خلفيه تدعي لي والله نفسيتي زفت

[قطرات ندى]

والله اختي انا ما عندي خلفيه وانا اكتب لكي وانا في المستشفى اجهضت للمرة الثانيه خلال شهرين الله يرزقني ويرزقك بالذريه الصالحه عاجلا غير اجلا امين رب العالمين

[همس الامواج]

والله ياأختي أنا ماعندي خلفية بموضوعك..
أنا سقط من شهر ونصف كنت ببداية الثالث..
بس أحب أقولك الله يعوضك خير ويصبرك..هذا قضاء وقدر..أحتسبي الأجر عند الله..
وقولي اللهم أجرني في مصيبتي وأخلف لي خير منها..

[ملكة الاحساس22]

الله يعوضك ياااااااااااااااااااااارب يويرزقك والله قلبي ماعندي خلفيه

[زهــــور]

يارب يسعدكم دعواتكم تكفيني .

الف حمد وشكر
الحمدلله على كل حال .

[سموة الشوق]

يالغاليه لاتتكدرين

كله بأمر ربي

إذا أراد شيئا قال له كن فيكون
وربي يعوض صبرك خير

لاتنسين الدعاء عند المصيبة
اللهم أجرني في مصيبتي واخلف لي خيرا منها

هذي الدنيا

وربي ماابتلاك الا لأنه يحبك
ويريد أن يختبر صبرك

وربي يحفظك ويرعاك ويرزقك بالذرية الطيبة الصالحة من عنده

وطمنينا عنك بعد ماتشوفك الدكتورة
وخير يارب

[demoshka]

الحمد لله عالسلامة حبيبتي

انا مابنصحك تاخدي مانع خلي المانع طبيعي

وربي يعوضك خير ويرزقك الذرية الصالحة

[**سماسم**]

الله يعزض عليج إن شاء الله بالحمل السليم الكامل ويفرحج بشوفت ضناج سليم معافى ..
وأنصحج تأجلين الحمل على الأقل لمدة 3 أشهر حتى يرتاح الرحم وحتى أنتي ترتاح نفسيتج ..
وعلى المانع أخذي الموانع الطبيعيه أفضل لان الحبوب ماتدرين تناسبج و لاء ..
و الحين أهتمي بنفسج وبصحتج تراء فترة الإجهاض نفاس مصغر ..

[rose]

اختي الله يعوضك ويرزقك بالذرية الصالحة والله انا نفس حالتك مرتين مجهضة ولماا سال الدكتورة تقولي هذا خير وابتلاء بنفس الوقت من ربنا واسباب الاجهاض لحد الان كتيرة ومتنوعة
وخذيها نصيحة ارتاحي 3 شهور عشان والله الاجهاض مرهق ومتعب واستعملي حبوب الفوليك اسيد من الان عشان تهيئ الرحم للحمل الثاني
واول ماتغيبك الدورة حللي وارتاحي اهم شي اللي بينصحوا فيه المجهضة اللي ناوية تحمل الراحححة بالحمل الجاي
ودعواتي لك الصادقة بالحمل السليم