ورقة المقاضي

زهرة اللوتس · 05-11-2010, 09:49 PM

ورقة المقاضي

ياعـــــالم قسم بالله راحت حياتي أوراق صغيرة .. جيوبي مليانة .. كل ظهرية و بعد صلاة العشاء طيب يا زوجتي العزيزة

فيهشيء اسمه دمج .. رئاسة تعليم البنات بكبرها دمجوها .. ما تدمجين أنتِ ورقة مقاضيالظهر مع ورقة مقاضيالليل و نفتك من هالقلق اليومي .. المشكلة وشي ؟المشكلة إني أقرأ طلبات ما لها داع بس مجبور أجيبها :دراق / طماط/ بقسماط/ برغل / و آخرتها ما نلقى على السفرة إلا كبسة و إن سوينانفوسنا كنديين حطينا فجل !

هههههههههههههه طيب هالبقسماط والصولجان وبقية الأسامي الصعبة لمن؟

طبعاً لأخواتك إذا جاؤوا يوم الربوع و أناياغافل لك الله !

طقني الجوع مع أبو شايع و أبوعبدالله و إن سوينا فيهافجور و كـــاش أرسلنا حنيف يجيب بروستد و تهاوشنا على الثوم
هههههههههو المدام مع أخواتها يتنعمون من خيري و من تعبي و مطامري في البقالة مع ورقةالمقاضي !

مرة سويت فيها ذكي ، و بعد ما قضيت لزوجتي يوم الربوع قلتبروح للشباب .. و أطب على المدام بدري و أحصل

أخواتها عندها و توهمحاطين العشاء ... و تصير الكـــارثة !

أخيرا شفت ورقة المقاضي صدق .. لقيتهم حاطين سفرة بدايتها في المقلط و نهايتها عند ساكو اللي وراءحلبان

إلى درجة أنهن حاطين سيكل جنب السفرة علشان إذا واحدة بغت صحن منطرف السفرة يمديها تجيبه ..

و ألقى لوحة مكتوب عليها ( السلطة 60 كلم ) ههههههههه

المشكله إن زوجتي تعاملني على أني ابلة تدبير ، و عنديخبرة ، و أنا و الله ما أفرق بين الملوخية و الكزبرة !!

تقوم تكتب ليمرة في الورقة كيلو كنافة كذابة هههههههههههه ( قسم تروعت وش ذا الكنافة الكذابه ؟ )

أنا أعرف الصادقة يوم أعرف الكذابة ؟

وأروح البقالة مالقيتها !

اتصلت بصديق قال : رح لمحل حلويات .. و أروح وأنسى اسمها واقوللراعي المحل : عطني كنافة نصابة

هههههههههههه ناظرنيباحتقار

و أعطاني أشكل بدل ما يعطيني كنافة ..

في الأخيررحت عنده و قلت يا أخي معليش أنا نسيت اسمها بس إنها كنافة ما هيب مضبوطة يعنيكنافة كافرة
و بتروح النار.

ضحك قال : قصدك كنافة كذابة ؟قلت : إيـــــــه هي أبي منها كيلو .. زحمة و كنافة كذابة و آخرتها قطعةخبز

لاعبين علينا و حاطين عليها شيرة

هههههههههه ..

و كله كوم و يوم أخذت أختي في المدرسة طريقة عمل المكرونةبالبشاميل ، سرى يومنا ما غير نأكلها إلى درجة

أن أبوي أضافها في دفترالعائلة لأنها صارت جزء من العائلة و واحدة منا .

الله يحفظ الوالدة .. ورقة المقاضي حقتها ما تتغير علشان كذا ما نرميها أنا حاطها في المفضلة لأنها هينفس الطلبات

كل يوم بصل/ طماط/ رز/دجاج/خبز/

و إذا بغت تسوينفسها كيوت استبدلت البصل بثوم و إذا ملينا و بغت تجدد فيها حطت الرز قبل البصل والخبز قبل الطماط

و الله إني عشت عمري كله و أنا نفسي آكل شيء جديد وخاصةً ذا اللي يقولون عنه أومليت إلى درجة إني سكنت في فندق

مرة علشانلقيت في القائمة أومليت ما دريت إنه بيض !

المشكلة ما عندهم رحمة .. درجة الحرارة في عز الصيف ألف و أنت تطامر من محل إلى محل ، و بمعية سموك ورقةالمقاضي

لو تجيب العثيم كله و تنسى شيء بسيط قامت القيامة ، و لازم ترجعو أنت أصلاً شرير و لا عمرنا شفنا منك شيء يا بخيــــــــل ..

و يا عينيعلى استخدام التقنية ..

ورقة المقاضي صارت من العصر الحجري الحين تجيكالمقاضي مسج على الجوال و الله إني أبغى أصيح إذا قريت رسايل جوالي

ورسايل جوال أخوياي العزوبية ..

كل رسايلهم ( عندما تشرق شمس يوم جديدأذكرك .. ) ( كفاني أن جنح الليل يغشاني و يغشاك .. )

( الله على الجمسلولا وراد الستين ) << ههههههههههههه

و أ نا تعال شف رسايلي ( حليب سريلاك .. ) ( ارجع بدري نبي موية ) ( و أنت جاي جب أعواد اسنا ن ) أعوادأسنان في نص الليل

الله من الأعذار بس !

و ما قطع قلبي ونكد علي حياتي إلا إذا طلبوا تسالي .. تجيب برنقلز قالوا نبي جحا .. تجيب بنكهةالكاتشب قالوا نبي بالخل و الليمون ..

تجيب رقاق الوردة قالوا نبي رقاقغوار .. تجيب صلصة قالوا نبي ماجي .. بس خل عنك و الله صار عندي خبرة و لا خبرةرابحة

وأنا و الله من أول كنت أحسب البندورة هي البطاطس ههههههههه

مناسبة هالموضوع إني رحت اليوم بعد صلاة الجمعة و معي كالعادهرفيقة دربي ورقة المقاضي طولها حوالي 7.12 متر و يوم دخلت العثيم

و ألقىزحمة و أنا اللي تصعب علي نفسي و أتمرد و أشق ورقة المقاضي و أرسل للمدام رسالةأقول لها إني تمردت و قطعت الورقة ...

جزاها الله خيرا تفهمت الموضوعبشكل حضاري و هذا أنا أكتب لكم الموضوع من مقهى ههههههههههههههههههه

منقول

روح الورد · 05-11-2010, 10:08 PM

هههههههههههههههههههههههه
حرام كسرخاطري
بس اذاهوماجاب الاغراض من يجيبها؟؟؟
يسلمووووووووووووووغاليتي

~~سموةالجرح~~ · 05-11-2010, 10:26 PM

ههههههههههههههههههههههههههههههه

مسكين هالضعيف راح في خرايطها

شهرزان · 05-11-2010, 10:32 PM

يسلمووووووووووووووووو اختى والله كنت تفشانه وضحكتينى

زهرة اللوتس · 05-12-2010, 06:18 PM

الله يديم الضحكه على طول
منورين حبيباتي

rose · 05-12-2010, 06:19 PM

ههههههههههههههههه والله صادق ياحرام وربي
بس اش الحل مجبور اخاك لا بطل

أميرة الأميرات · 05-12-2010, 06:55 PM

ههههههههههههههههههههههههههه

يسلموو يالغلا

زهرة اللوتس · 05-12-2010, 07:38 PM

نورتو يالغوالي

حمرة الورررد · 05-29-2011, 10:14 PM

ههههههههههههههههههههاي حلوة منك ضحكتيني وربي
الله يخليلنا ازواجنا ويجيبو لنا مقاضينا

حبيبي نيزو · 05-29-2011, 10:24 PM

هههههههههههههههههههههههههههههههههه

طيب من مين بدنا نطلب

شكرا ع الموضوع الحلو

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري