تجمع اللي بيولدون في شهر ذو الحجه

[اجوان]

مشاعل,,
اللف الف مبروك ماجاك ماشاءلله ويتربى في عزك ...

دادو,,,
والله دكتوري زحمه ومواعيدو مره معفنه شوفي مفروض اروحلو دا الاسبوع واجلوها لي وعندي موعد انتظار ,,انا ماني عارفه دحين بالتاسع مفروض كل اسبوع مراجعه والدكتور مره زحمه احس مستحيل الاقي موعد كل اسبوع ..

المهم انتي كيف الكتكوت ,,بالله ماطفشتي ونفسك يجي البيت هههههههههه

بس عجبتني سالفة الضفين لو عندنا هنا بالسعوديه كان مابقى مستشفى ماتقفل ولا بقى دكتور ماانطرد هههههههههههههههه والدكتوره النفسيه والله مفروض يوفرونها هنا لانو البكريات مافي وعي ودايم يجيهم اكتئاب بعد الولاده ..


انا اليوم حلمت انو زوجي تزوج عليا وكنت بالحلم مره مقهوره وغيرانه وهوا بس يدلعها ويحبها وماعرف ايش ههههههههههههههه
بس اتوقع تفسير الحلم انو حتجينا بنوته لانو دايم يقولوا اذا حلمتي انك حتتجوزي على جوزك معناتو حيجيكي ولد فمعناتو هدا الحلم انو زوجي تزوج عليا يعني حتجينا بنوته اكيد ,,,بس والله مااحس اني راح اغير منها حراااام الحلم كنت فيه مره مقهوره ههههههههههههههههههه
حبيبتي بنوتي انشالله مااغار منها ويستمر زوجي يدلعني هههههههههه