تجمع اللي بيولدون في شهر ذو الحجه

[مشاعل الدوسري]

صباح الخير
يا دبدووووبات
أنشالله تكونون بخير و ربي يسهل عليكم
البارح حسيت بألم نفس ألام الدوره من الساعه 9 الصباح الين 12 و انا تعبانه

الحين عررفت شعور اللي تقوووول الالم مررره يوجعها

هو مو مررررررره يوجع هو نفس الالم لكن

لان كم شهر ماحسينا فيه

وله بلضبط نفس الالم الدوره و يااادوب ألم من تحت
بسبب ثقل الجنين



السؤال الحين هل هذي من اعراض الولاده ...؟
ابي اعرف شنو هي اعراض الطلق

أو اعراض الولاده ..؟

ياليت الأفاده......

بنات جهزوو أغراضكم من الحين و خلوها على جنب
أنا ماجهزت الشنط لاني مااشتريت شنطه لا لي و لا للبيبي

أغلب اللي شفتهم أسعارهم تتراوح بين ال 200 و ال 300

شفت عند محلات الحصان اللي بلسويكت شنط للبيبي

طقم كامل

ووووو في بفنيسيا
محل في الدور الأول مااعرف أسمه بس جنبه بلضبط محل أسمه حوامل حق ملابس الحوامل المحل اللي جنبه حق قمصان النفاس و و اغراض البيبي أطقم و شنط أتوقع فيه
انا بروح للمحل اللي بفينيسيا و بشتري 3 أو 4 قمصان للنفاس لان الوالده أشترت لي 4
و بشتري شنطه للبيبي طقم

و شنطة المستشفى مو شرط أشتريها اذا كان عندي شنطه كبيره بحط الاغراض فيها

بنات أنا أهلي جهزو لي كل شي أوكي
و الوالد أشتر سرير أسمه المنز القديم

يعني ما أشتريت مفرش ولا شي و انا يمكن أقعد عند أهلي شهرين أو شهر و نص
قالت لي أمي
أشتري مفرش عادي للسرير أخذ لي 2 على الأقل أو 3
تقول لان بتملين و ممكن يتوسخ المفرش
و بنضطر نشيل المفرش و نوديه المغسله

و ذيك الساعه أقعد بدوون مفررش

السؤؤال هل تشوفون الموضوع عادي؟ أني مااشتري مفرش طقم كامل وله لا ؟

أم زوجي تقولي ليه ماشريتي؟

و زوجي مقتنع بفكرة امي و يشوف ان احسن اشتري مفارش عادي على الأقل نستفيد منه لكن مفرش النفاس الطقم مارح نستفيد منه
لان حنا ساكنين بشقه
و لو بجيب المفرش البيت بتصير حوووسه لان ماعندي مخزن
و كذا و له كذا مفرش النفاس مارح استخدمه ثاني مرررررررررررره



الكل يقولي اني حريصه و مادفعت شي
ان هذا أول مولود لازم كل شي طقم و مثل بعض
و مدري كيف..؟
انا مو مقتنعه
ليه لما الوحده يكون لها اول حمل لازم تسوي أكشن
يعني اذا الوحده ماأصرفت دم قلبها يقولون انها ماجهزت شي

اهلي اشترو أغراض للبيبي و ماخلو لي شي اجيبه غير اغراض الصيدليه
و يادوب مفرش عادي للسريرو كم قميص للنفاس
لان بعد الوالده اشترت لي بس انا شفت كم واحد و خاطري فيهم

الكلام هذا مضايق زوجي كانهم يتهمونه انه مقصر و ماعطني شي

و اهلي يقولون لو حنا شايفين انه الموضوع غلط كان ماسوينها حنا فرحانين فيك
و زوجي متضايق لانه متهم بلتقصير
من قبل الناس .. اقاربه الاغلب و اقاربي

أنا قلت لزوجي ماعليك منهم مو لازم نمشي على هواهم عشان نعجبهم ...


و بس



قولولي شنو رايكم هل اللي سويته غلط وله لا ..؟

وله عادي مو اجباري اسوي مثل باقي الناس...!!