دردشة حوامل أهل جدة - دردشة بنات جدة - تجمع حوامل مدينة جدة

[أم ح ــنونـہ]

صباح الخير
دحين انتم عارفين اني اتابع في الطب الدولي
على التأمين طبعا
بس هل التامين ( الذهبي ) يشمل ابرة الظهر ؟
طبعا انا تأميني ( ملاذ )

[mnool]

هلابك يامتغليه أنا بعد صاحيه بدري
تعالي ندردش سوى يالغاليه

[ام عبدالله 86]

صباح الخيرات على احلى حوامل ((حوامل جدة
كيفكم ان شاءالله تكونوا بألف خير يارب
سوسو ماعندي فكرة لكن اظن انو مايشمل التأمين

[•.ღ˚نور˚ღ.*•]

أنا ماني حامل ولدت من 5 شهور :)
بس حبيت اقول لسوسو أنا ولدت بالطبي الدولي ع التامين بس مو عارفة للابرة
لأني كنت قيصري..
وبالنسبة الحلوات الصاحيات،، صباحكم سكر وربي يتمم لكم ع خير..

[أم ح ــنونـہ]

تسلموو حبيباتي
خلاص انا لما اروح موعدي
راح اسأل الدكتوره عن الابره
وان شاء الله ما احتاجها ^^

[ام عبدالله 86]

كروشات مين تعرف حريم عندهم توزيعات الفواكة المجففة او توزيعات قمر الدين على شكل وردة وغالبا تتوزع في الافراح ؟؟

[r4m]

ام عبدالله انا اعرف وحده تسوي توزيعات فواكة مجففه طعمه مره
دقت منها الفراولة واتجننت عليها ليومك دا >> من سنه وهيا متجننه لسه

برسلك عالخاص

سوسو
ابرة الظهر متعبه ترا انا خفت من اثارها في اغلب البنات الي اخدوها
غير كدا توجع لو حابه جربي المخدر في العضل او الفخد : )
بس حسابها خارجي ويعتمد عالتامين وانا للاسف ماعرف عن ملاذ ابدا اي شي
اول مرة اسمع بيلو منك : )


ام رتيل
والله منجدالتجمع نايم عكس بعض التجمعات ماشاء الله

ياحلوات
انا ابغي احجز عند الدكتورة خلود رستم واغير دكتورتي
مين تتابع معاها وتعرف انها موجودة ولا اجازة ؟

موعد زيارتي قرب ولا ناوية اروح لاماال العمر ابغي وحده اسالها تجاوبني وبادب

[ام رتيل]

هلا بكل الموجودات
سوسو ابرة الظهر ما لها داعي اذا انت طبيعي لان الم الطلق تقدري تتحمليه بس اذا يعطوك مهدا وكمان عندخروج الراس يعطوك البنج هذا افضل من ابرة الظهر بس لاتطلبي المهدا الا لما ماتقدري تتحملي ويكون الرحم انفتح اكثر من خمسه سم
عشان تشوفيهم ايش يسوو لا يلعبوا فيك وكمان الدعاء عند الولاده مستجاب فلا تضيعي هذي الفرصه وادعي ربك عند الالم
والله يقوم الجميع بخير

[أم ح ــنونـہ]

تسلموووو حبيباتي
ان شاء الله ما احتاجها
بس انا اختي اخذتها ومافيها الا العافيه !!!
على العموم الله يجيب اللي فيه الخير
شكرا لكم على ردودكم يا قمرات

[حرم الشريف]

مراحب للكروشات العسولات
بصراحة كل ما أحس أنو ولادتي حاتقرب يجيني قلق بس بحاول ما أفكر عشان لا أتعب نفسيتي وبحاول ألهي نفسي بالقراءة بالنت بس ارجع غصبا عني أفكر واقنع نفسي انو في شي بيريح بعد سهالة الله إللي هيا أبرة الظهر وممكن أخدها لأني حسيت من كلام دكاترة كبار ما بيذموها وكتير قرأت مدحوا فيها .
الله يجعلها سهالة ياااااااا رب ليا ولكل حامل .