حمله بالاستغفار هنكون حوامل رمضان 2011

[Nahla NoNNa]

السلام عليكم ورحمه الله وبركاته
ازيكم يا اجمل بنات وحوامل فى المنتدى الروعه ده

انا هدخل فى الموضوع على طول
اليومين اللى فاتو دول كنت بدور كتير اوى على النت فى مواضيع تخص الحمل
يعنى الاعراض والوحام وتأخر الدوره
وكنت زيى زى بنات كتير اوى اعصابى انهارت من كتر ما انا مش عارفه ارسى على بر
وخايفه دورتى تنزل
وعملاها مناحه فى البيت لجوزى

وجت الصدمه بقى والدوره نزلت قبل ميعادها بيوم
زياده محبه اصلها بتحبنى اوى الدوره دى ههههههههه

المهم سبحان الله اول مره الدوره تيجى ومبقاش مضايقه ولا اعيط
وقعدت اقول قدر الله وما شاء فعل

المهم طبعا اللى فى داء مش بيبطله ابدا دخلت على النت تانى
وبدأت البحث بس على طرق لزياده فرص الحمل
هههههههههههههههه
لاقيت طريقه اغلبيه البنات غافلين عنها ويمكن ده من الشيطان
لا مش يمكن ده اكيد
اول حاجه بنفكر فيها لما الدوره بتيجى اننا نروح لدكتور فلان وناخد العلاج اللى مش عارفه بيعمل ايه
ولما العلاج مينفعش نقول لالا خلاص الدكتور ده مش فاهم حاجه
ونبتدى ندور على دكتور تانى بعلاج تانى
ونفضل نعمل نفسنا حقول تجارب للادويه
وننسى اهم شئ يا بناااااااااااااااااات
الاستغفااااااااااااااااااااااااااااااااااااااااااا اااااااار

بجد من رحمه ربنا بينا الاستغفار لانه مخرج من كل كرب وضيق وحزن
انا سمعت قصص كتير اوى من كتر بحثى على النت
بجد حالات كتير اوى كان عندها مش مجرد تعب وممكن ربنا يشفيهم منه
لالا ده كان بعد الشر عن اى حد عقققققققققم ومالوش حلول فى الطب
وبفضل الاستغفار والالحاح فى الدعاء والصدقه والتقرب من الله
والدعاء بحرقه والشكوه لله فقط وليس لمخلوق سواه
ربنا اكرمهم بالذريه
نش بنقول منروحش لدكاتره لا نروح ونكمل لاننا لازم ناخد بالاسباب طبعا بس نبقى على اقتناع ان انتى وزوجك والدكاتره ما انتم الا ادوات لخلق مولود جديد لكن فى الاول وفى الاخر ده بمشيئه الله
اكثرى الاستغفار والتصدق والدعاء بخشوع والحاح
وعمر ربنا ما هيردك خائبه الامل


وانا متأكده ان فى بنات هنا فى المنتدى مروا باللى انا قولتو ده واكيد حملو نتيجه للقرب من ربنا وبالاستغفار
ياريت يقولولنا
وانا هجيبلكم القصص اللى قريتها
مستنيه مشاركتكم معايا على الاقل نشجع بعض على الاستغفار والقرب من ربنا فى الايام المباركه اللى احنا فيها