قصة ولادتي المؤلمة للعبرة فقط

[بريق الماسة]

السلام عليكم ورحمة الله وبركاته
كيف حالكم يا مبقوشات؟؟؟
عساكم بخير دوم يارب
هذي اول مشاركة لي وحبيت اخبركم للعبرة فقط

ولله الحمد والمنه استقبلت خبر حملي الثالث المفاجئ بسعادة وقلت الحمدلله ان الله رزقني احمل بلا علاج زي الحمل الثاني وعدت شهور الحمل مع التعب والثقل ولله الحمد وعطوني موعد للولادة 16/5/2009 وققرت الطبيبة انه اذا ما ولدت اروح انام بالمستشفى حتى الد بطلق صناعي يوم 17 ، في يوم 16 من صحيت الصبح وانا ما احس بأي حركة للجنين ، وانتظرت للمغرب ورحت المستشفى وكأني حاسة اني ماراح اولد واخرج للبيت بالبيبي ، دخلوني الولادة وعملت لي الطبيبة تخطيط دقات قلب الطفل وكان مافي دقات وعملت لي سونار وخبرتني ان بنوتي ماتت
ولله الحمد بكيت وانهرت لأني تعبت فيها وتمنيت اربيها زي اخوانها لكن الله قدر وما شاء فعل ، وخبرت زوجي وقال المهم انتي والجنين يتعوض ونمت في المستشفى وفي اليوم الثاني جاتني الأستشارية وقالت يوم 18 بنعطيك الطلق حتى تولدين ، وبقيت يومين من العذاب لين ولدت 20/5 ولله الحمد وجبت احلى بنوته الله يرحمها ويجمعني بها في الجنة يارب ، المهم يا اخواتي الطبيبة من بعد فحص الأربعين قالت لي سبب وفاة البنت اني ما اخذت تطعيم الحصبة الألمانية ، واخذته وانتظرت 3 شهور استخدم فيها مانع للحمل وكملت 7 شهور مع المانع وتركته ولخبطت الدورة شهر واحد وعملت هرمونات وتحاليل كثيرة ووصفت لي بس فيتامينات اسمها زهرة الربيع المسائية وللحين اخذها ودورتي منتظمة وآخر دورة كانت 20/3/2010 وللحين ما شرفت بس اقدر استخدم هالفيتامينات وانا حامل؟؟؟
واللي تاخذ دواء اسمه bloopress plus8 للضغط اقدر اخذه وانا حامل؟؟؟

الرجاء يا اخوات اللي تعرف ترد علي والله يهون عليها وينولها اللي ببالها يارب

[ام فارس الجمل]

الله يعوض عليكي انشالله ويرزقك الحمد لله على سلامتك

[دلع]

الله يعوضك وتكون شفيعه لكم يوم القيامه
بالنسبه لاسئلتك ماعندي خلفيه عنها بس انا رايي لو ماتستخدمين حبوب يمكن تكوني حامل
تاكدي واذا كان فيه حمل اسالي دكتورتك

[روح الورد]

الله يعوضك ان شاءالله
وبالنسبه لسؤالك ان شاءالله البنات يفيدونك لاني مااعرف

[منو عبادي]

الله يرحم بنتك ويعوضك يالغلا
ولاتوري احد مكروه يارب

[بنت الريف]

الله يعوضك خيييييير ياااارب ولا تشوفي ألي شفتيه مرة ثانية
وبخصوص الحبوب أطلبي من دكتورتك أنه تصرفه لك

[احبك ماما]

والله عورتي لي قلبي ...........ربي يعوضك خير انشالله ...

[شمس]

انشالله تشفعلك في الأخره ويعوضك ربي

[نسمة بحر]

انا شاء الله تكون شفيعه لكي في الجنة والله يعوضك

[أم يامن]

الله يرحمها ويعوضك خير منها وتشفعلك في الجنة يارب