اخواتي ابغى نصيحتكم

[اميره بمشاعرها]

شوفي حبيبتي بصراحه بعد قرأتي لمشكلتك راح اقولك من الغلطان وبكل صراحه وبدون زعل

انا شايفه انك انتي الغلطانه

هو من حق زوجك انه يرفض ان تطلعي من البيت من دون محرم يعني اخوك او ابوك
ومنعه لك من الخروج هذا ان دل دل على حبه الكبير لك لانه مايرضى ابد حد يتحرش فيك او حتى يناظرك لاتقولين احنا عائله كبيره ومدري ايش مهما كان انتم حريم وبدون رجال معاكم ماينفع او حتى يقدر يطمن الواحد عليكم

والله العظيم ان اللي صار لك صار معاي والله زوجي رفض اني اطلع مع اهلي والمشكله انه ابوي معانا يعني مو بس انا وامي وخواتي لا معانا محرم ومع ذلك رفض وكل هذا غيره علي
والله جلست بالبيت لحالي ومره طفشت وقتها بس لما فكرت بيني وبين نفسي قلت انا من جد غبيه
بالعكس هذا اكبر اثبات انه يحبني وغيران علي

وانتي الله يهداك زدتي الطينه بله بخروجك مره ثانيه بدون رضاه يمكن هو بس سكت عشان مايزعلك الا هو بخاطره عتبان وزعلان عليك
جربي مره وقولي له من عيوني عشانك ماراح اطلع وربي وقتها راح يزيد حبك بقلبه وتكبري بعيونه
وعلى فكره ترى الرجال في بداية زواجهم يحبوا انهم يفرضوا شخصيتهم بأوامرهم الواحد فيهم مومصدق انه صار له عائله خاصه ومسؤل عنها ويحكمها
بس بعد مرور كم سنه من الزواج كل شي راح يتغير
والله العظيم انا حكيت لك من واقع تجربتي بالحياه
لاتخربين بيتك عشان امور تافهه كبري قلبك وحكمي عقلك وطاوعيه في كل شي ومصيره راح يتغير
اسمعي كلامي وراح تدعين لي
والله يسخر لك زوجك ومايشوف غيرك ياااااااااارب