تجمع اللي بيولدون في شهر ذو الحجه

[صفاء قلب]

عطر المكان ..
الله يعينك ياعمري على شغل البيت .. ذكرتيني بنفسي قبل ..الحين عندي شغالة كان
موعد سفرها المفروض في ربيع بس لما عرفت إني حامل طلبت منها تقعد سنه والحمد لله وافقت .. الحين وقت حاجتها ..
وشغلتي بالي عليك حاولي ما تشيلي ثقيل ..الله يشفيك من الالتهابات ..
الحمد لله كل شي بأجره .. ما يضيع عند رب العالمين ..

عسله.. اجوان .. فيونكة ..
هلا بحبيباتي البكريات الله يسهل عليكم ..

الحمل الاول ممتع ..لانك تكوني خفيفه ما وراك مسؤليات ..

عسوله ..حلو إنك تعتني في نفسك من الحين لان بعد الولادة إنت تنولدين من جديد وتصيرين عروسة ..
ولاتسوين رجيم لاحقه .. وحتى بنفاسك لاتفكرين بالجسم إذا ودك تنحفين ويرجع جسمك مثل أول وأحسن رضعي طبيعي .. نصيحة مجربه ..
وبالنسبة لكريم الصدر تدهنيه علشان تهيأيه للرضاعة ولان من التمدد يصير حساس ويمكن يجيك تشققات بالحلمة لو صار جفاف .. بعدين تصير الرضاعة مؤلمة وما تنفع مع تشقق الحلمة ..

اجوان ..هلا بيك حبيبتي أنا موعد ولاتي مثلك بالضبط 16 نوفمبر يعني يوافق يوم أربعاء 20 ذو الحجة ..والله العالم يكون قبل بكم يوم أو بعد ..الله يسهلها علي وعليك وعلى كل البنات يارب ..

فيونكة ..أي سؤال حبيبتي أنا حاضرة لانو الحمد لله عندي خبرة ..
حلو فكرتيني بتجهيز البيبي ما كان جاي على بالي أنو أجهز مبكر بس فعلا بعد شعبان الثلاثه الشهور هذي ينزحم فيها الواحد مابين عبادة واعياد ..الله يبلغا
بس أنتبهي لشغله أنو شعبان صيف وأحنا ولادتنا إن شاء الله أقرب لدخول الشتاء يعني البيبي يجي على آخر الصيف ..

وبعدين عندي نصيحة للبكريات ... أهم شي تقري عنه هالفترة وتفكري فيه صح هو كيف تربي الطفل الاول لانو من جد يكون حقل تجارب في التربية ..أنت وأبوه ما عندكم خبره .. والأهل من باب المساعدة كلهم يتدخلوا بتربيته ..

فالمفروض الواحد يثقف نفسه في التربية ..الله يعينا على تربيتهم ويهديهم لطاعته..