قصه قصيره بعنوان (أنا والسوق)

[أمونه*]

السلام عليكم ورحمة الله وبركاته ....بطرح اليوم مشكله ازعجتني لفتره طويله وازعهجت عدد كبير من البنات والنساء ومازالت للأسف وهي السوووق
أول المشاكل:

وجود بائعين رجال في جميع المحلات وحتى المحلات الخاصه جداً مثل
(اللانجوري والداخلي ، المكياج ، العطور ،الإكسسوار) وايضاً محلات فساتين السهره والأحذيه ومحلات الكاجول والسبورات النسائيه ...السؤال لييييه؟
احد يقولي شلون بطلب اشياء خاصه من رجل اجنبي واقوله عطني مقاسي وإن كنت ابغاه دانتيل ولا عادي طويل اوقصير شيء سيء بصراحه

المشكله الثانيه: بسبب وجود الرجال في السوق هذا ادى إن الزوج والأب لازم حضورهم مع زوجاتهم وبناتهم حرصاً عليهم من التعرض لأي مشكله وللمساعده اثناء طلب اللون او المقاس ..بس كلنا نعرف إن الرجل ماله خلق وصبره قليل وسريع الملل امام شيء اسمه سوق هذا يلي يخلي الحرمه متوتره ماتعرف وش تسوي حتى إنها تشتري أي شي عشان تخلص من الق....الق

المشكله الثالثه: العبايه والغطوه يلي مع الزحمه والعيال لازم تتعركسين فيها الف مره التنفس صعب والأكل صعب وخصوصاً مع وجود فئه من الرجال المؤدبه ويلي تخاف الله ...ابداً مايناظر فيك من فوق لتحت بكل وقاحه ويحاول يسمع وش تقولين لزوجك او لعيالك او على الجوال ...في حاله ماشاء الله

ومع هذه المشاكل وللأسف ماتحولت الأسواق والمولات الكبيره لمكان مخصص لأصحاب الشأن وهم النساء فقط يعني(ممنوع دخول الرجال) ويكون كل الموجود في السوق بائعات حتى الكفهات والمطاعم نسااااء

اكيد بتقولولي بس في اسواق نسائيه نعم معاكم حق
لو تروحون وتدخلون هذه الأسواق يلي فاضيه مافيها ولا اسم من اسماء المحلات يلي نشتري منها ، كلها محلات غريبه ويلي تبيع علطول واصله حدها ومالها خلق تبيع او تشوف وش تبغين كل همها شكلها وسوالفها
كل السوق 20 محل مقسمه: 5 صالونات تجميل ، 5 نوادي رياضيه، 5 كفهات كل شي فيها قديم ،و5 مطاعم ممممممم مايوكل منها شي
قمة الإستخفاف بالمرأه واهتماماتها خلاص العشرين محل ذول اهتماماتنا مالنا دخل بأي شي ثاني (تدخلين تاكلين لقمه على السريع بعدها تروحين تسوين رياضه سريعه عشان تهضمين وبعدها حمام مغربي وعلطول تروحين تسوين شعرك ومكياج خفيف ولا تنسين تشربين عصير اكيد عطشتي من كثر الجري بين المحلات ..وسلامتك خلصتي
روحي البيت يعطيك العافيه)

آسفه طولت عليكم ..وشكراً