هذا الي صار معاي احد يرد علي

[زهرة الربيع]

كيفكم يا اخواتي
اذا تتذكرون انا كتبت عدة مشاركات من اول مع عرفت اني حامل في كل مشاركة اكتب التطورات الي تحصل معاي
المهم انا رحت لموعدي يوم السبت علشان اسوي تصوير وقالت الدكتورة انا عمر الجنين في جهاز التصوير 6 أسابيع و5 أيام بس قالت لسة ما شفت القلب يخفق وحولتني على قسم خاص بالاشعة على قولتها الاجهزة هناك أفضل المهم الدكتورة لما شفت الي كتبتها الدكتورة في الورقة قالت ماراح اشوفك الان لان البيبي لسة صغير ومايوضح النبض الا بعد مرور 7 او 8 اسابيع وقالت تعالي بعد اسبوعين افضل وقالت الشي هذا عادي لان البيبي صغير
بس مدري ميتة من الخوف اخاف في شي الجنين طمنونئي مين الي حصل لها مثلي وهل عادي يتأخر نبض الجنين ياريت احد يقولي من خلال تجاربة لان خايفة الجنين ماينمو لاني شفتها مر صغير ومش واضح فية شي لان من 3 اسابيع نزلت علي افرزات بنية فاتحة ونقط دم بسيطة جدا جدا ولما اخذت مثبت توقف بعد يومين فخاف معناه ان نمو الجنين توقف لان اسمع يقولون كذا
علما انا اخر دورة كانت في 6/2 صفر وانا في 20 /4 ربيع راح اكمل الشهرين يعني لما رحت لموعدي كان لي بضبط 51 يوم
وعندي بعد سؤال انا ما اتوحم يعني مااحس بدوخة اوغثيان الا اللهم الم بظهري والافرزات زيادة علي واحس اني على طول جايعة وبضيقة في صدري ودقات قلبي بعض الاحيان سريعة
ادري طولت عليكم بس سؤالي هل الوحم له علاقة بصحة الجنين اوسلامته ردوا علي بسرعة ارجوكم