ياكبر القهر لاصار ماباليد حيله

[سموة الشوق]

ياكبر القهر لاصار ماباليد حيله

آآهـ يا كبر القهر لا صار ما باليد حيله..
والجروح من( القــرايب) والخطا مني وفيني!!

ان نويت اشفي غليلي ما لقيت اية وسـيلهـ ..
كيف ابلقى دام جرحــي سبته طعنة يميني؟!

وإن نوت تبكي عيوني صارت( الدمعــهـ ) بخيله!!
يآكبرها لامن تجمـــع هم قلبـــي وهم عيــني..

ياهمـــوماً بي تعدت حدهـا صارت ثقيلــهـ ..
اخذي مني كم ســؤال ولو سمــحتي جاوبيني..

ليه من بعد (الوفـــاء والطيــب) وفعولاً جليله ..
من يدين اللي حشمته أول طعـــوني تجيني؟؟

وليه لاضاق الفضــا في عيــن من خانه دخيله ..
مالقيت الا (المــلامه) انتهيها وتبتديني؟



ياهمومي ياجــروحي يا صدى الروح العليله ..
والله ان الـــظــلم قهره قيّد لسانـــي ويديني!!

يوم قيل ناظر حسودك زاد في قوله وقيله ..
ما طــرالي غير قولت آآآخ يا دنيــا ارحميني..



إن تكلمت وحـــكيت وجبت برهاني ودليله ..
ما تضــرر كود منهو قد لفانــي منتخيني!!



وإن سكــت وقلت هانــت هــم وسنيني تزيله ..
اكتشفت إن (السنين) تزول والهم محتويني!!



بس لجــل اللي انتخى في جد جــدي والقبيله ..

والله إني لاشــرب المــر واتحــمل ما يجيني..



ودام ما بالكون (صــدراً) ارتمي به واشتكيله ..
ودام مابــه عين تقـــرى حزني اللي مبتليني!!



ما لي إلا بيت شـــعراً اذكــره في كل ليله ..
لا انتهى جـــدال المعاتــب بين قلبي وبين عيني ..