❤نورة الدنيه❤يا نورعيوني❤و نور دنيتي❤يا احلى هليل❤

[Compassionate Heart]

	❤سلام عليكم و رحمة الله و بركاته❤ ❤بسم الله الرحمن الرحيم❤ الحمدلله كما ينبغي لجلال وجهه وعظيم سلطانه الله رزقني و قر عيني بضنايه في يوم الاثنين الموافق 7_3_2011 م / 2_4_1432 الساعه: 9,33 م جيتكم في اخر يوم من الاربعين اقولكم قصة ولادتي و اسفه على التأخير طبعآ انا دكتورتي عبير شوقي في مستوصف الصاعدي مكه المكرمه تبعت معها في الاربع الشهور الاخيره من حملي قبلها كنت عند دكتوره دعاء كمان في الصاعدي المهم لم دخلت الشهر التاسع راس الجنين ما دخل الحوض برغم ان راسو من الشهر السابع نازل على تحت المهم اول اسبوع من الشهر التاسع سويت سونار و كشفت عادي و انا متابعتي كل اسبوعين من اول حملي في الاسبوع الثالث كشفت عليا الدكتوره من تحت و قالت ان راس الجنين لسه فوق احتمال كبير ولاده هتكون قيصري طبعآ ما اكذب عليكم نفسيتي تعبت لم قالت قيصري لاني نفسي اولد طبيعي عشان عظيم الاجر هو الاجر في كل الاحوال بس سبحان الله الطبيعي اجره اكثر المهم قولت مابغى استعجل و خليني اروح لدكتوره ثانيه يمكن هذي غلطانه و رحت للدكتوره بسمه في باشرحيل و كشفت و قالت نفس الكلام المهم كنت امشي بس بصراحه مو كثير و كنت احبي كمان مو كثير و اكل رطب و تمر بس خلاص شهري يخلص يوم الثلاثاء الموافق 8_3_2011 بعد موعد ولادتي بس انا نزلت عليا مويه يوم الاحد 6_3_2011 بس مويه خفيفه مو كثيره المهم قولت ان شاء الله يوم الاثنين اروح اطمن طبعآ انا هذا كله مافيني أي الم و صحيت يوم الاثنين قولت خليني اشرب كف مريم و خليتها من الليل و صحيت شربتها و جبت الجوز و طحنتها و حطيتها مع زيت الزيتون الدافي المهم و دهنتني امي في ظهري و جيت انا ادهن بطني و قاعده ادهن نزلت مني مويه مقدار كاسه المهم قولت خليني شويه بزيت و اخذ دش دافي و اروح للموعد حق الدكتوره و على العصر موعدي و رحت و معايه امي ربي يطول في عمرها يارب و يطول في عمر امهاتكم يارب و يطول اعماركم ل اطفالكم و حبايبكم يارب المهم دخلت عند الدكتوره و قالت تعالي اكشف من تحت قبل السونار و كشفت و لقت الرحم مفتوح واحد سانتي و خرجت يدها فيها دم المهم و حطولي جهاز الطلق و في طلق بس طلق بارد مرا المهم قالت راس البيبي لسه فوق مرا مادخل الحوض و نسبة استقبالك للجنين في الحوض 50% قالت انا اقدر اعطيكي طلق صناعي بس تاخذي الم الطلق و القيصري حرام امي واقفه جنبها قالت لا لا لا يا دكتوره مابغى بنتي تتالم مرتين قالتلها انتي ايش تشوفي يا دكتوره قالت لازم قيصري و كمان نزلت منها مويه اخاف على الجنين المهم اعطتني ورق التحويل من المستوصف لان هيا الا بتجي تولدني في المستشفى الا هيا متعاقده معها باشرحيل و خرجنا على المغرب من المستوصف في طريقنا للمستشفى و الدكتوره تلحقنا لين نسوي اجرئات الدخول و دخلنا و اخذو مني دم عشان التحليل و اعطوني ابرتين عشان يشوفو لو جسمي فيه حساسيه او لا و شويه جاتني الدكتوره حقتي و لبسوني الروب و طلعت غرفة العمليات و انا ابكي و خايفه اقول لزوجي انتبه على ولدي و امي ما قدر تطلع معايه لانها كبيره في السن و مسويه عمليه في ركبها بس معايه اعز و اقرب صديقه على قلبي و امها طلعو معايه بعد ما دخلت غرفة العمليات قالو في سونار لازم نسويه خرجوني و نزلوني اسوي السونار و سويت السونار و قالي الدكتور حق السونار موية الجنين ناقصه المهم خلصو و طلعوني مرا ثانيه غرفة العمليات و انا على السرير قبل ما ادخل على سرير غرفة العمليات جنبي السرير حق البيبي قاعدين يجهزو الاشياء و انا ابكي و اقول يارب اشوفه و طلعوني على سرير العمليات و جات الدكتوره اقولها انتبهي لا تنسي شي جوا بطني امانه ^_^ قالت لا تخافي و سئلوني تبغي القصطره دحين قولت لا بعد البنج بليز و جاني دكتور التخدير و وقف فوق راسي و الممرضه عند يدي الا فيها المغزي المهم قالها يالله قالت اوكي دكتور و مسكت يدي وحطت الدكتور الكمامه و قامو يعد هو و الممرضه واحد اثنين ثالثه و انا في سابع نومه و تمت العمليه في خلال نص ساعه طبعآ انا ما شوف الوقت بس اهلي هما الا قالو و لم صحاني دكتور التخدير اول شي قولت ولدي ولدي قالي البيبي يا مدام كويس الحمدالله و كنت اقول معه الحمدالله الحمدالله و انا راسي ثقيل و لساني و كل شي و خلوني في الافاقه شويه و جاني زوجي واقف جنبي طبعآ من وقتها بدائة احس بالم و نفسي اشوف ولدي اقولهم جيبو اشوفه بس ما رضيو لاني مسويه عمليه و نزلت الغرفه حقتي الحمدالله وبعدها اعطوني المسكن و ااااه على اللم و ما قدرت انام برغم من المسكن و المنوم ابغى اشوف ولدي و انام نص ساعه و اصحه اقول ل امي ابغى ولدي و تقول اصبري ما يجبو غير الصباح الساعه:9 ااااه ياقلبي استنى لين الصباح و انام و اصحه لين جاني نور عيني و الحمدالله على السلامه و بجد النظره له نستني كل المي ^_^ الحمدالله المهم حابه اقولكم ان خدمة النظافه في مستشفى باشرحيل مرا كويسه بس خدمة التمريض مرا سيئ حتى ولدي جابوه من غير ما يغيرولو برغم انو عطيناهم الشنطه حقتو حتى لم طلبة الممرضه عشان اغير الشرشف حق السرير جاتني الفلبنيه و معها سعوديه المهم وقفت شويه الفلبنيه و خرجة و خلت السعوديه تسوي كل شي مرا قمت الاستهتار و البهدله و لم ابغى شي و ادق الجرس تجي الممرضه الباكستنيه مادري هندي تخاصم وربي مرا الممرضات الاجنبيات ما يستحو هو طبعآ في الطيب و البطال جاوني الاثنين مريت على الكويس و البطال المهم خلو ولدي عندي و غيرنالو و كل شي فلليل جات الممرضه حق الحضانه تاخذو طبعآ قولت والله ما تاخذيه لو اعرف اني بسوي جريمه و امي تقولها خلاص نحنا نبغى بيبي هنا عشان اشرب من صدر امه و هما جابولي حليب عشان انا لسه ما نزل مني حليب و قالت امي خلاص روحي خلي بيبي قامة اخذت الحليب و رمتو في الحمام و امي خاصمتها قالت مو حرام انتي تسوي كذا و طلعت من الغرفه و جا زوجي و حكيتو و اتصل في التلفون يقولها ليش انتي تسوي كذا قامت سكرت في وجهو و عينكم ما تشوف الا النور زوجي عصب و طلع سولهم مضاربه لين جاتني دكتورة الاطفال المناوبه و قلب المستشفى هو و امي بس و خلو ولدي عندي و زوجي وقع على الروق و ثاني يوم اتصل الدكتور الا في الحضانه و يخاصم قامة امي فهمتو الموضوع قام قال الممرضه قالت غير كذا امي قالت طيب انا ايش فايدتي اكذب و اعتذر الدكتور و قال لا احسن انكم خليتو عشان يرضع من امه انا حبية احكيلكم كل شي عشان يكون عندكم علم للتبغى تولد في المستشفى هذي اسفه اني طولت عليكم ربي يسهل على الجميع يارب و يكتبلكم الطاقم الطبي الكويس الطيب يارب