تعالوا نفضفض لبعض يامتاخرات عن الحمل

[ahlam gabr]

ياتناهيد ارحمي نفسك انتي لازم تهدي واشغلي نفسك باي حاجة
اقولك انا الشهر ده سايباها على ربنا على الاخر ومش بفكر في الحمل واقنعت نفسي اني مش ححمل الشهر ده وقلت لو ربنا عايزني احمل ححمل حتى لو ان ماعنديش اي اعراض تدل على اني ممكن اكون حامل
لان طول الشهور اللي فاتت وانا كل شهر اقول الشهر ده احمل ويطلع مافيش حاجة
انا الشهر ده اتعالجت ووكلت امري لله
انا بقولك كده عشان بجد انا حاسة بيكي
لانك ممكن من حالتك النفسية الصعبة دي تدخلي في موال هرمون اللبن لا قدر الله ربنا يسترك منه
وفي نفس الوقت ماتتعبيش نفسك عشان لو طلعتي حامل انشاء الله
اللي عايزة اقولهولك انك دايما تحطي الاحتمالين في راسك وتقتنعي بيهم وهو انك ممكن تكوني حامل وممكن لا
والاكيد انه كله بايد الرحمن الرحيم
ادعي الله اتوسليله وادعيه باسماءه الحسنى صلي وماتضيعيش فرض ولا نافلة حتلاقي نفسيتك ارتاحت والله
اكثري الاستغفار
مش اللي نعرفه والعلم لله ان الاستغفار 1000 في اليوم انتي استغفري الف وراء كل صلاة
ربنا ينولك اللي في بالك
يارحمن يارحيم